सिंहगड रस्ता परिसरातील नन्हेगाव येथून ही घटना समोर आली आहे. ही घटना जेवढी धक्कादायक आहे, तितकीच ती अत्यंत हृदयद्रावकही आहे. कारण, हा पीठ गिरणी कामगार एका पायाने अपंगही आहे.. मात्र, कष्ट करून त्यानी आपली आयुष्यभराची कमाई साठवून ठेवली होती. ही कमाई सायबर चोरट्यांनी काही क्षणातच लंपास केली. त्यांच्या खात्यातून 7 लाख 61 हजाराची रक्कम लंपास झाली आहे.
advertisement
Pune News: घरमालकांनो! भाडेकरूची माहिती पोलिसांना देताय ना? पुण्यात घरमालकावर गुन्हा दाखल
चंद्रकांत शिंदे असं या कामगाराचं नाव असून घटनेनंतर शिंदे दाम्पत्याने मोठ्याने आक्रोश केला. हे दृश्य पाहून पोलिसांचाही जीव कालविला. चंद्रकांत शिंदे यांच्या बँक खात्यातून एवढी मोठी रक्कम गायब झाल्याने संपूर्ण परिसरात हळहळ व्यक्त होत आहे. गेल्या दहा वर्षांपासून रक्ताचं पाणी करून ते हे पैसे साठवले होते. आयुष्यभर कष्ट करून जमा केलेली ही ते पुढील भविष्यासाठी आणि उपचारांसाठी वापरणार होते. मात्र, क्षणातच होत्याचं नव्हतं झालं. सायबर चोरट्यांनी त्यांच्या आयुष्याची पुंजी ओरबाडून नेली. त्यामुळे पती पत्नीवर दुःखाचा मोठा डोंगर कोसळला आहे.
यात विशेष बाब म्हणजे शिंदे कीपॅड मोबाईल वापरतात. चंद्रकांत शिंदे हे स्मार्ट फोन वापरत नाही. इंटरनेट बँकिंग किंवा युपीआयचा वापर ते करत नाहीत. त्यांना कसलाही ओटीपी किंवा फोनही आला नाही. तरीही त्यांच्या खात्यातून एवढी मोठी रक्कम गायब झाल्याने चोरट्यांनी पूर्वनियोजित पद्धतीने ही फसवणूक केली असावी, असा अंदाज लावला जात आहे. अधिक तपास पोलीस करत आहे.