TRENDING:
शिक्षकाविरुद्ध गुन्हा दाखल
पारगाव येथील एका शाळेत 18 डिसेंबर रोजी प्रदर्शनाची तयारी सुरू असताना हा सर्व प्रकार घडला. येथील 13 वर्षांच्या एका विद्यार्थिनीचा शाळेतील शिक्षकाने विनयभंग केल्याची तक्रार दाखल करण्यात आली आहे. याप्रकरणी यवत पोलिसांनी प्रशांतकुमार हरिचंद्र गावडे (रा. पारगाव) नावाच्या शिक्षकाविरुद्ध गुन्हा दाखल केला आहे.
दोघे मिळून स्पर्धेचे नंबर ठरवू
advertisement
दुपारी 1 वाजताच्या सुमारास जेव्हा विद्यार्थिनी प्रदर्शनाच्या कामात व्यस्त होत्या, तेव्हा या शिक्षकाने मुलीचा हात धरून तिला जवळ बसवले आणि स्पर्धेचे निकाल ठरवण्याच्या बहाण्याने लज्जास्पद कृत्य केले. काही विद्यार्थिनी शाळेतील प्रदर्शनाच्या तयारीत व्यग्र होत्या. त्या वेळी शिक्षकाने विद्यार्थिनीचा हात धरून 'आपण दोघे मिळून स्पर्धेचे नंबर ठरवू' असे म्हणून तिच्या शेजारील बाकावर बसला. त्यानंतर त्याने विद्यार्थिनीचा विनयभंग केला.
शिक्षकावर तातडीने गुन्हा नोंदवला
या घटनेमुळे घाबरलेल्या पीडित मुलीने तत्काळ घरी जाऊन आपल्या कुटुंबीयांना घडलेला प्रकार सांगितला. त्यानंतर संतप्त झालेल्या पालकांनी रात्री उशिरा यवत पोलीस स्टेशन गाठून तक्रार दिली. पोलिसांनी या गंभीर प्रकरणाची दखल घेत शिक्षकावर तातडीने गुन्हा नोंदवला असून पुढील तपास सुरू केला आहे. एका जबाबदार पदावर असलेल्या व्यक्तीने अशा प्रकारचे कृत्य केल्याने शिक्षण क्षेत्रातून तीव्र निषेध व्यक्त होत आहे.