TRENDING:
श्रीमंत दगडूशेठ हलवाई सार्वजनिक गणपती ट्रस्ट आणि सुवर्णयुग तरुण मंडळाच्या वतीने मंदिरात भव्य पारंपरिक पुष्पआरास करण्यात आली. मंदिराच्या कळसापासून ते गाभाऱ्यापर्यंत झेंडू, गुलाब, शेवंती आदी विविधरंगी फुलांनी केलेली सजावट भाविकांचे लक्ष वेधून घेत होती. पारंपरिक शैलीत साकारलेली ही पुष्पसजावट आणि आकर्षक विद्युत रोषणाईमुळे संपूर्ण मंदिर परिसर उजळून निघाला आहे. सभामंडपातही सुबक आणि देखणी फुलांची आरास करण्यात आली आहे.
advertisement
अंगारकी चतुर्थी! राजूर महागणपती मंदिराला अडीच लाख दिव्यांची रोषणाई, भाविकांची मांदियाळी, Video
अंगारकी संकष्टी चतुर्थीनिमित्त मंदिरात विविध धार्मिक विधी आणि कार्यक्रमांचे आयोजन करण्यात आले होते. ब्रह्मणस्पती सूक्त अभिषेक, श्री गणेशयाग यांसारखे धार्मिक विधी भक्तिभावात पार पडले. मंगलआरतीसाठी भाविकांनी मोठ्या संख्येने उपस्थिती पाहायला मिळते. गणपतीच्या दर्शनासाठी पहाटेपासूनच मंदिर भाविकांसाठी खुले ठेवण्यात आले आहे.
भाविकांची वाढती गर्दी लक्षात घेता मंदिर प्रशासनाच्या वतीने दर्शनासाठी योग्य नियोजन करण्यात आले आहे. श्री तांबडी जोगेश्वरी मंदिर रस्ता ते अप्पा बळवंत चौकाच्या पुढील भागापर्यंत भाविकांच्या रांगा लागल्या आहेत. मंदिरावर आकर्षक तोरणे, रांगोळ्या आणि सजावटीमुळे संपूर्ण परिसर भक्तिमय वातावरणाने भारून गेला आहे.
नववर्षातील पहिल्या अंगारकी संकष्टीच्या योगामुळे भाविकांमध्ये विशेष उत्साह पाहायला मिळतो. शांतता, शिस्त आणि भक्तिभावाच्या वातावरणात हजारो भाविक श्रीमंत दगडूशेठ गणपतीचे दर्शन घेत गणरायाच्या चरणी मनोभावे प्रार्थना करताना पाहायला मिळत आहे.