Pune : कुख्यात गँगस्टर गजा मारणे जेलमधून बाहेर येताच पत्नी अजित पवारांच्या भेटीला, पुण्याच्या निवडणुकीत 'तिसरी गँग' उतरणार?

जयश्री मारणे अजित पवारांच्या भेटीला

जयश्री मारणे अजित पवारांच्या भेटीसाठी बारामती हॅास्टेलला पोहोचल्या. गजा मारणेची पत्नी माजी नगरसेविका राहिल्या आहेत. जयश्री यांनी 2012 साली पुण्यामध्ये कोथरुडमधून पुणे महानगरपालिकेची निवडणूक लढवली होती. यावेळेस त्या मनसेच्य़ा तिकिटावर निवडूनही आल्या होत्या. आता 2022 मध्ये जयश्री यांनी राष्ट्रवादी काँग्रेसमध्ये प्रवेश केला होता. अशातच आता त्या महानगर पालिकेच्या निवडणुकीत उभा राहण्यास इच्छुक असल्याची माहिती मिळतीये.

advertisement

तिसरी टोळी देखील निवडणुकीच्या रिंगणात

पुण्यातील गुन्हेगारी विश्वातील लोकांची राजकारणाकडे वाटचाल सुरू असल्याचं पहायला मिळालं होतं. लंडनला पळून गेलेला निलेश घायवळचा भाऊ देखील निवडणुकीत उभा राहणार होता. तसेच बंदू आंदेकर टोळीतील तिघांनी निवडणुकीत उभं राहण्यासाठी न्यायालयात अर्ज केला होता. अशातच आता तिसरी टोळी देखील निवडणुकीच्या रिंगणात उतरण्याच्या तयारीत आहे. जयश्री मारणे यांना राष्ट्रवादी तिकीट देणार का? असा सवाल विचारला जात आहे.\

मुरलीधर मोहोळ यांच्याशी पंगा

दरम्यान, केंद्रिय मंत्री मुरलीधर मोहोळ यांच्याशी पंगा घेतल्याने गजा मारणे याची तुरूंगात रवानगी झाली होती. अशातच आता गजा मारणे राजकीय मंजावर देखील आपली ताकद दाखवण्याची तयारी करत आहे.