साबुदाणा वडा
साबुदाणा वडा हा पुण्याच्या रस्त्यांवरील नाश्त्याचा खजिनाच मानला जातो. सकाळी गरमागरम वडे खाण्याचा अनुभव काही औरच असतो. साबुदाणा, बटाटे, धणे, शेंगदाणे आणि मिरची यांचे मिश्रण करून तयार केलेले हे वडे बाहेरून कुरकुरीत आणि आतून मऊसर असतात. पुणेकर सहसा हे वडे चहासोबत किंवा पुदिना आणि खजूर चटणीसोबत खायला प्राधान्य देतात. जंगली महाराज रोडवरील स्वराज्य या ठिकाणचे साबुदाणा वडे शहरभर प्रसिद्ध आहेत.
advertisement
पुणेरी मिसळ पाव
पुणेरी मिसळ पाव हा पुण्याचा एक अगदी खास स्ट्रीट फूड आहे. मसालेदार मिसळ चिरलेले कांदे, कोथिंबीर आणि लिंबाच्या तुकड्यांनी सजवून दिली जाते. ज्यांना मसालेदार पदार्थ आवडतात, त्यांच्यासाठी ही मिसळ एकदम परफेक्ट आहे. पुण्यात काटाकीर्र मिसळ आणि बेडेकर मिसळ ही दोन ठिकाणे विशेष प्रसिद्ध आहेत, जिथे या मसालेदार पदार्थाची खरी चव अनुभवता येते.
दाबेली
दाबेली हा एक हलका,परंतु मसालेदार आणि चविष्ट स्ट्रीट फूड आहे. गुजरातमधील कच्छ येथे या डिशची सुरुवात झाली असे मानले जाते, पण पुण्यात याची वेगळीच ओळख आहे. दाबेलीमध्ये द्राक्षे, डाळिंब, कांदा, कोथिंबीर, शेंगदाणे, कुरकुरीत शेव आणि भरलेल्या बटाट्याचा वापर केला जातो. हे ब्रेडमध्ये भरून दिले जाते आणि पटकन खाऊ शकता, तसेच खिशाला परवडणारे आहे.
बाकरवडी
बाकरवडी हा पदार्थ पुण्यातील प्रत्येक खवय्येकरासाठी अत्यंत आवडता आहे. या मसालेदार आणि कुरकुरीत स्नॅकमध्ये खारट आणि गोड अशा दोन्ही प्रकारच्या आवृत्त्या उपलब्ध आहेत. चितळेंवरील बाकरवडी शहरभर प्रसिद्ध आहे. बाकरवडी रोल करून तळले जाते आणि त्याच्या मसाल्यांनी हा पदार्थ अजूनच स्वादिष्ट बनतो. पुणेकर आणि पर्यटक हे पदार्थ खाण्यासाठी नेहमीच उत्सुक असतात.
पुण्यातील स्ट्रीट फूड फक्त भूक भागवण्यासाठी नसून, त्याचा अनुभव घेणे म्हणजे पुण्याच्या खाद्यसंस्कृतीचा खरा आनंद घेणे होय. साबुदाणा वडा, पुणेरी मिसळ पाव, दाबेली आणि बाकरवडी या चार पदार्थांचा अनुभव घेणे प्रत्येक खवय्येसाठी अनिवार्य आहे, कारण या शहरातील रस्त्यांवरील खाद्यसंस्कृतीची खरी ओळख यांच्यातूनच मिळते.