Jalna News: फोटो काढायला गेले अन् जिवाला मुकले, जालन्यात खदाणीत बुडून दोन मित्रांचा दुर्दैवी अंत

जालना: पोहण्यासाठी खदाणीत गेलेल्या दोन तरुणांचा पाण्यात बुडून दुर्दैवी अंत झाल्याची धक्कादायक घटना जालन्यात घडली आहे. शहराला लागून असलेल्या वडारवाडी शिवारात चार मित्र फोटो काढण्यासाठी गेले होते. फोटो काढून झाल्यावर ते पोहण्यासाठी पाण्यात उतरले. परंतु यातील दोघांना पोहता येत नसल्याने ते खोलवर बुडाले. सिद्धार्थ संजय हरबळे (वय 16, रा. समर्थनगर, जालना) आणि जसमीतसिंग रिहाल (वय 18, रा. संभाजीनगर, जालना) अशी मृत्यू झालेल्या दोन्ही तरुणांची नावे आहेत.