TRENDING:
मायाजालाची सुरुवात
मिळालेल्या माहितीनुसार, ही फसवणूक १७ ऑक्टोबर २०२५ ते ३१ डिसेंबर २०२५ या कालावधीत घडली. जयसिंग बाबुराव कुरळे (वय ५८) यांच्याशी सायबर चोरट्यांनी संपर्क साधून त्यांना शेअर मार्केटमध्ये मोठ्या परताव्याचे आमिष दाखवले. चोरट्यांनी 'जगजित सिंग' आणि 'एआयसी मॅनेजर पेड्रो' या नावांनी संपर्क साधून कुरळे यांचा विश्वास संपादन केला.
एक कोटीचा आभासी नफा!
advertisement
तक्रारदाराने सुरुवातीला काही रक्कम गुंतवली. त्यानंतर चोरट्यांनी त्यांना एका ॲपद्वारे त्यांच्या गुंतवणुकीवर चक्क १ कोटी ४६ लाख रुपयांचा नफा झाल्याचे आभासी चित्र दाखवले. एवढा मोठा आकडा पाहून तक्रारदाराचा विश्वास बसला. मात्र, जेव्हा त्यांनी हा नफा काढून घेण्याचा प्रयत्न केला, तेव्हा चोरट्यांनी 'प्रॉफिट टॅक्स'च्या नावाखाली आणखी १३ लाख ८० हजार रुपयांची मागणी केली.
फसवणुकीचा असा झाला उलगडा
नफा मिळवण्यासाठी तक्रारदाराने वेळोवेळी एकूण २४ लाख ६ हजार रुपये चोरट्यांनी दिलेल्या बँक खात्यांवर भरले. मात्र, एवढे पैसे देऊनही एक रुपयाचा परतावा मिळाला नाही. आपली फसवणूक झाल्याचे लक्षात येताच जयसिंग कुरळे यांनी निगडी पोलीस ठाण्यात फिर्याद दिली. पोलिसांनी जगजित सिंग, मॅनेजर पेड्रो आणि संबंधित बँक खातेधारकांविरुद्ध गुन्हा दाखल केला आहे.