TRENDING:
राज्याबाहेरूनही शोधले मोबाईल: दापोडी पोलीस स्टेशनच्या तपास पथकाने (DB) या मोहिमेसाठी तांत्रिक विश्लेषण आणि सायबर सेलची मोठी मदत घेतली. गहाळ झालेले हे फोन केवळ पिंपरी-चिंचवड किंवा पुणे शहरातूनच नव्हे, तर राज्यातील विविध जिल्हे आणि थेट परराज्यांतूनही हस्तगत करण्यात आले आहेत. सुमारे ५ लाख रुपये किमतीचा हा मुद्देमाल हस्तगत करण्यासाठी पोलिसांनी सातत्याने पाठपुरावा केला होता.
advertisement
नाशिककर पाणी जपून वापरा, संपूर्ण शहराचा पुरवठा बंद राहणार, कधी आणि का? संपूर्ण माहिती
आपल्या कष्टाच्या पैशातून घेतलेला फोन पुन्हा हातात मिळाल्यावर अनेक नागरिकांनी भावूक होत पोलिसांचे आभार मानले. "आमचा मोबाईल कधीच परत मिळणार नाही असे आम्हाला वाटले होते, पण पोलिसांनी केलेल्या प्रयत्नांमुळे आज आमचा फोन परत मिळाला आहे," अशा प्रतिक्रिया नागरिकांनी यावेळी व्यक्त केल्या.
पिंपरी-चिंचवडचे पोलीस आयुक्त विनायक कुमार चौबे, सहपोलीस आयुक्त शशिकांत महावरकर आणि वरिष्ठ पोलीस अधिकाऱ्यांच्या मार्गदर्शनाखाली ही विशेष मोहीम राबवण्यात आली. मोबाईल चोरीच्या घटनांना आळा घालण्यासाठी आणि नागरिकांच्या तक्रारींचे गांभीर्य लक्षात घेऊन पोलिसांनी ही कामगिरी केली आहे.