TRENDING:
पोलिसांनी दिलेल्या माहितीनुसार, धनकवडीतील आंबेगाव पठार भागात राहणारा एक तरुण १६ ऑक्टोबर रोजी गावी जाण्यासाठी निघाला होता. नाशिक महामार्गावरून जात असताना, एसटी चालकाने आळेफाटा परिसरात एका उपाहारगृहाजवळ बस थांबवली. त्यावेळी फिर्यादी तरुण नाश्ता करण्यासाठी बसमधून खाली उतरून उपाहारगृहात गेला. दरम्यान, सोन्याचे दागिने असलेली त्याची पिशवी बसमध्येच होती. याच संधीचा फायदा घेत, अज्ञात चोरट्याने ती पिशवी उघडून त्यातील साडेतीन लाख रुपयांचे मौल्यवान दागिने घेऊन पोबारा केला.
advertisement
तरुण बसमध्ये परतल्यावर त्याला चोरी झाल्याचे लक्षात आले. या चोरीमुळे प्रवाशांच्या सुरक्षिततेचा आणि एसटीच्या सुरक्षेचा प्रश्न पुन्हा एकदा ऐरणीवर आला आहे. पोलीस उपनिरीक्षक नीलेश मोकाशी हे या प्रकरणाचा पुढील तपास करत आहेत.
दुचाकीच्या डिकीतील पैसे लंपास
इंदापूरमधूनही नुकतीच चोरीची एक घटना समोर आली होती. यात शहरातील विद्या प्रतिष्ठान महाविद्यालयाच्या पार्किंगमधील दुचाकीच्या डिकीतील एक लाख रुपये अज्ञात चोरट्याने चोरून नेल्याची घटना घडली. याप्रकरणी अज्ञाता चोरट्याविरोधात गुन्हा दाखल करण्यात आला. याबाबत राजेंद्र मोतीराम सोनवणे यांनी दिलेल्या फिर्यादीनुसार गुन्हा दाखल करण्यात आला. घटनेत अज्ञात चोरट्याने २९ नोव्हेंबरला दुपारी सव्वाबारा वाजताच्या सुमारास महाविद्यालयाच्या पार्किंगमध्ये उभ्या दुचाकीच्या डीकीचे लॉक तोडून रोख एक लाख रुपये लंपास केले. यावरून इंदापूर पोलीस ठाण्यात गुन्हा दाखल करण्यात आला असून पोलीस या प्रकरणाचा पुढील तपास करत आहेत