TRENDING:
वाढत्या गर्दीला लक्षात घेता प्रशासनाने सुरक्षेच्या दृष्टीने काही मोठे बदल केले आहेत. मंदिर प्रशासनाच्या मते, यावेळची गर्दी आधीच्या तुलनेत खूप जास्त असण्याची शक्यता आहे, त्यामुळे नियमांचे पालन करणे प्रत्येक भाविकांसाठी अनिवार्य आहे.
सर्वात महत्त्वाचा बदल म्हणजे मंदिर परिसरात मोबाईल फोन नेण्यावर पूर्णपणे बंदी घालण्यात आली आहे. मंदिर ट्रस्टचे सरचिटणीस चंपत राय यांनी सांगितले की, सुरक्षेच्या कारणास्तव हा निर्णय घेण्यात आला आहे. अनेकदा लोक फोटो किंवा व्हिडिओ काढण्यात मग्न होतात, ज्यामुळे दर्शनाच्या रांगेत अडथळा निर्माण होतो. त्यामुळे प्रवेश करण्यापूर्वीच मोबाईल जमा करावा लागेल. कोणाकडे मोबाईल सापडला, तर प्रवेश नाकारला जाऊ शकतो.
advertisement
शस्त्रांच्या बाबतीतही नियम अतिशय कडक करण्यात आले आहेत. मंदिर परिसरात कोणत्याही प्रकारचे शस्त्र नेण्यास सक्त मनाई आहे. यामध्ये परवानाधारक (लायसन्स असलेल्या) रिव्हॉल्व्हर किंवा बंदुकीचाही समावेश आहे. सुरक्षा यंत्रणा या बाबतीत कोणतीही शिथिलता देणार नाहीत. मात्र, शीख भाविकांना त्यांच्या धार्मिक परंपरेनुसार छोटी कृपाण ठेवण्याची परवानगी देण्यात आली आहे.
नवरात्रीच्या काळात उपवास करणाऱ्या भाविकांसाठी मंदिर प्रशासनाने विशेष सोय केली आहे. दर्शनासाठी लांब रांगेत उभे असताना भाविकांना उपाशी राहावे लागू नये, यासाठी फळे, लोणी, शेंगदाणे आणि बटाट्यापासून बनवलेले हलके फराळाचे पदार्थ उपलब्ध करून दिले जाणार आहेत.
हिंदू मराठी नववर्ष, गुढी पाडवा का साजरा करावा? प्रत्येकाला माहीत हव्या अशा 5 गोष्टी
गर्दी लक्षात घेता मूलभूत सुविधांवरही भर देण्यात आला आहे. मंदिर परिसरात ठिकठिकाणी पिण्याच्या पाण्याची सोय करण्यात आली असून शौचालयांची संख्याही वाढवण्यात आली आहे. वृद्ध आणि लहान मुलांची गैरसोय होऊ नये, याची काळजी घेतली जात आहे. दर्शनाची प्रक्रिया सुरळीत पार पाडण्यासाठी या नियमांचे पालन करणे ही प्रत्येकाची जबाबदारी आहे. घाईत किंवा अजाणतेपणे नियम मोडल्यास भाविकांनाच मनस्ताप सहन करावा लागू शकतो. त्यामुळे श्री रामाचे दर्शन सुखकर आणि संस्मरणीय व्हावे, यासाठी या मार्गदर्शक सूचनांचे पालन करावे असे आवाहन, प्रशासनाकडून करण्यात आले आहे.