TRENDING:
धार्मिक परंपरेनुसार, विष्णूचे भक्त म्हणजे वैष्णवांनी 2 नोव्हेंबरची भागवत एकादशी पाळावी, कारण हीच दिवस देवउठनी एकादशी म्हणून ओळखली जाते. तर शिवभक्तांनी, म्हणजेच शैव परंपरेतील लोकांनी, 1 नोव्हेंबरची प्रबोधिनी एकादशी पाळावी.
दररोज तुळस पानं खाल्ल्याने शरीरात होणारे आश्चर्यकारक बदल !
या एकादशीनंतरच चातुर्मास समाप्त होतो आणि मंगलकार्यांची सुरुवात केली जाते. त्यामुळे 2 नोव्हेंबरपासून विवाह, उपनयनासारखी शुभ कार्ये सुरू करता येतात. हाच दिवस तुळशी विवाहाचा आरंभ मानला जातो.
advertisement
तुळशी विवाहाचे मुहूर्त आणि योग
यंदा तुळशी विवाहाचे मुहूर्त 2 नोव्हेंबर ते 5 नोव्हेंबर 2025 या दरम्यान आहेत. 2 नोव्हेंबर रोजी कार्तिक शुक्ल द्वादशी सकाळी 7.31 वाजता सुरू होत आहे.
तुळशी विवाहाचा शुभ मुहूर्त संध्याकाळी 5.35 वाजल्यापासून आहे, कारण त्यावेळी सूर्यास्त होऊन प्रदोषकाल सुरू होतो.
गोधुली मुहूर्त: संध्याकाळी 5.35 ते 6.01
संध्याकाळचा मुहूर्त: 5.35 ते 6.53
यावर्षी तुळशी विवाहाच्या दिवशी दोन शुभ योग जुळून आले आहेत
त्रिपुष्कर योग: सकाळी 7.31 ते संध्याकाळी 5.03
सर्वार्थ सिद्धी योग: 3 नोव्हेंबर रोजी सायंकाळी 5.03 ते 6.34
तुळशी विवाहाचे महत्त्व
पौराणिक कथेनुसार, भगवान विष्णूंनी वृंदेला वरदान दिले की ती त्यांच्या शालिग्राम रूपाशी विवाह करेल. त्यानंतर विष्णूपूजेत तुळशीशिवाय पूजा अपूर्ण मानली जाते. त्यामुळे तुळशी विवाहाला विशेष धार्मिक महत्त्व आहे. असे मानले जाते की तुळशी विवाह केल्याने वैवाहिक जीवन सुखमय होते, तसेच अविवाहितांच्या जीवनात विवाहयोग निर्माण होतो, असे आदित्य जोशी गुरुजी सांगतात.