TRENDING:
विशाल कुलकर्णी यांनी सांगितलं की, माघी गणेश जयंतीला माघ विनायक चतुर्थी, वरद चतुर्थी आणि तिळकुंद चतुर्थी अशा नावांनीही ओळखले जाते. यावर्षी ही चतुर्थी 22 जानेवारीला रात्री 2.48 वाजता सुरू होणार असून 23 जानेवारीला रात्री 2.29 वाजेपर्यंत राहणार आहे. या दिवशी गणपती बाप्पाची पूजा करण्यासाठी सकाळी 11.28 ते दुपारी 1.42 असा शुभ वेळ देण्यात आली आहे. या काळात भाविक गणपतीची प्राणप्रतिष्ठा करून विधीपूर्वक पूजा करू शकतात.
advertisement
Maghi Ganesh Jayanti 2026 : माघी गणेश जयंतीला भाग्य उजळणार, 6 राशींवर बाप्पाची कृपा होणार!
माघी गणेश जयंतीला या गोष्टी करा
विशाल कुलकर्णी यांनी सांगितले की या दिवशी गणपती बाप्पाची भक्तिभावाने पूजा करावी. दिवसभर गणपतीची आराधना करावी आणि ‘ॐ गं गणपतये नम:’ हा मंत्र जपावा. गणपतीला आवडणारी दुर्वा आणि फुले अर्पण करावीत. शक्य असल्यास उपवास करावा आणि गणेश स्तोत्र वाचावे. पूजेच्या वेळी दिवा, अगरबत्ती किंवा धूप, फळे आणि फुले देवाला अर्पण करावीत. दानधर्म करावा नैवेद्य म्हणून तिळगुळाचे लाडू किंवा मोदक बाप्पाला अर्पण करावा.
माघी गणेश जयंतीला या चुका करू नका
गणेश जयंतीच्या काळात चंद्रदर्शन करू नये, असे मानले जाते. चंद्र पाहिल्यास खोटा कलंक लागू शकतो, अशी मान्यता आहे. या पवित्र दिवशी मांसाहार आणि मद्यपान टाळावे. या दिवशी कोणाशीही वाद घालू नये किंवा अपशब्द वापरू नयेत. संयम ठेवावा आणि मन शांत ठेवावे. गणपतीच्या पूजेमध्ये तुळस अर्पण करू नये. गणपती बाप्पाला निसर्ग प्रिय असल्याने या दिवशी झाडे तोडू नयेत किंवा निसर्गाला हानी पोहोचेल, असे कोणतेही कृत्य करू नये.