6,6,6,4,6,4,6,6... अभिषेक शर्माच्या बॅटमधून सुटलं वादळ! फक्त 32 बॉलमध्ये ठोकली खळखणीत सेंच्युरी

284 च्या स्ट्राईक रेटने सेंच्युरी

अभिषेक शर्माने 52 बॉलमध्ये 148 धावा केल्याने बंगालच्या खेळाडूंनी तोंडात बोटं घातली. अभिषेकने या खेळीत 16 सिक्स अन् 8 फोर खेचले. 284 च्या स्ट्राईक रेटने अभिषेक शर्माने खणखणीत सेंच्युरी ठोकली. त्याच्या या अफलातून खेळीच्या जोरावर पंजाबने 20 ओव्हरमध्ये 300 धावांचा टप्पा पार केला.

advertisement

12 बॉलमध्ये अर्धशतक पूर्ण

अभिषेक शर्माने फक्त 12 बॉलमध्ये पाच सिक्स आणि पाच फोर मारत आपलं अर्धशतक पूर्ण केलं. मार्गदर्शक युवराज सिंगप्रमाणे त्यानेही फक्त 12 बॉलमध्ये आपलं अर्धशतक पूर्ण केले. त्यानंतरही तो थांबला नाही आणि मोठे फटके खेळत राहिला. त्यानंतर शर्माने बंगालच्या बॉलर्सचं येड पळवलं.

70 धावांची आक्रमक खेळी

अभिषेक शर्मा पहिल्या बॉलपासून आक्रमक अंदाजात फलंदाजी केली. अभिषेकने ऑन साईड आणि ऑफ साईडवर हल्लाबोल केला. प्रभसिमरण सिंगने त्याला मजबूत साथ दिली. त्याने 70 धावांची आक्रमक खेळी केली. तर रमणदीप सिंगने देखील 39 धावा करत पंजाबला मजबूत स्थितीत पोहोचवलं.

ऋषभ पंतची बरोबरी

दरम्यान, 12 बॉलमध्ये अर्धशतक झळकावून अभिषेकने त्याचा मार्गदर्शक युवराज सिंगच्या विक्रमाशी बरोबरी केली आहे. 32 बॉलमध्ये शतक झळकावून त्याने भारतासाठी टी-20 मध्ये सर्वात जलद शतकांच्या यादीत ऋषभ पंतची बरोबरी केली आहे. भारतासाठी टी20 मध्ये सर्वात जलद अर्धशतक ठोकण्याचा विक्रम आशुतोष शर्माच्या नावावर आहे. 2023 मध्ये अरुणाचल प्रदेशविरुद्ध 11 चेंडूत अर्धशतक ठोकून आशुतोषने युवराज सिंगचा विक्रम मोडला.