SMAT 2025 : धोनीचा छावा एकटाच पुरून उरला, शतक ठोकून मॅच जिंकवली,रहाणे, सुर्या, दुबेची गरजच पडली नाही

खरं तर धोनीचा हा छावा म्हणजे त्याचा आयपीएलमधला युवा सहकारी आणि मुंबईचा खेळाडू आयुष म्हात्रे ठरला आहे. आयुष म्हात्रे सध्या मुंबईकडून सय्यद मुश्ताक अली ट्रॉफी स्पर्धा खेळतो आहे. आज या स्पर्धेत मुंबई विरूद्ध आंध्रप्रदेश या दोन संघात सामना रंगला होता. आध्रप्रदेशने प्रथम फलंदाजी करताना 159 धावा ठोकल्या होत्या.

आंध्रप्रदेशने दिलेल्या या 159 धावांचा पाठलाग करताना मुंबईची सुरुवात चांगली झाली होती. मुंबईकडून आयुष म्हात्रे आणि अजिंक्य रहाणे सलामीला उतरले होते.यावेळी रहाणे 18 धावा करून बाद झाला.त्यानंतर सूर्यकु्मार यादव मैदानात उतरला होता. पण याआधी या सामन्याच्या पहिल्या बॉलपासून आयुष म्हात्रेने पहिल्या बॉलपासून प्रहार करायला सूरूवात केली होती.

advertisement

आयुष म्हात्रेच्या या वादळी खेळीमुळेच अवघ्या 59 धावांमध्ये नाबाद 104 धावांची शतकीय खेळी केली होती. या खेळीत त्याने 9 षटकार आणि 5 चौकार लगावले होते. त्याच्यासोबत सुर्यकुमार यादवने देखील 31 धावांची नाबाद खेळी केली होती.या दोन्ही खेळाडूच्या बळावर मुंबईने अवघ्या 15.2 ओव्हरमध्ये हे लक्ष्य गाठून हा सामना जिंकला होता.

या सामन्यात आयुष म्हात्रेच्या या शतकीय खेळीच्या बळावर मुंबईने हा सामना जिंकला आहे. विशेष म्हणजे म्हात्रेच्या या खेळीमळे अजिंक्य रहाणे, सूर्यकुमार यादव आणि शिवम दुबे यांसारख्या खेळाडूंना फारसे काही करावे लागण्याची गरज पडली आहे. विशेष म्हणझे विदर्भ संघाविरूद्ध सामन्यातही आयुष म्हात्रेने अशाचप्रकारे मॅच जिंकवली होती.आयुष म्हात्रेने विदर्भ संघाविरूद्ध 110 धावांची शतकीय खेळी होती. अशाप्रकारे त्याने सलग दोन सामन्यात त्याने शतक करून जबरदस्त कामगिरी केली आहे.