TRENDING:
क्रिकेटच्या इतिहासात कोणताच खेळाडू हा बॉल खेळू शकला नसता, अशा प्रतिक्रिया चाहत्यांनी बाबर आझमची ही विकेट पाहून दिल्या आहेत. या सामन्यात बाबर आझम दुसऱ्या बॉलला शून्य रनवर आऊट झाला. याआधी झिम्बाब्वेविरुद्धच्या सामन्यात बाबरने धमाकेदार बॅटिंग केली होती, पण श्रीलंकेविरुद्ध त्याला एक रनही करता आली नाही. बाबर टी-20 आंतरराष्ट्रीय फॉरमॅटमध्ये 10व्यांदा शून्यवर आऊट झाला आहे.
advertisement
बाबर हा पाकिस्तानकडून सर्वाधिकवेळा शून्य रनवर आऊट होणारा खेळाडू ठरला आहे. मागच्या 9 टी-20 आंतरराष्ट्रीय सामन्यांमध्ये बाबर चौथ्यांदा शून्य रनवर आऊट झाला. बाबरसोबतच सॅम अयूब आणि उमर अकमल या पाकिस्तानच्या दोन्ही खेळाडूंच्या नावावर टी-20 आंतरराष्ट्रीयमध्ये 10 शून्यचं रेकॉर्ड आहे.
या सामन्यात पाकिस्तानने टॉस जिंकून पहिले बॉलिंगचा निर्णय घेतला, यानंतर श्रीलंकेने 20 ओव्हरमध्ये 5 विकेट गमावून 184 रन केल्या. कमिल मिशाराने 48 बॉलमध्ये 76 आणि कुशल मेंडिसने 23 बॉल 40 रनची खेळी केली. पाकिस्तानकडून अबरार अहमदने सर्वाधिक 2 विकेट घेतल्या तर सलमान मिर्झा आणि सॅम अयुबला 1-1 विकेट मिळाल्या.
श्रीलंकेच्या आव्हानाचा पाठलाग करण्यासाठी आलेल्या पाकिस्तानला 20 ओव्हरमध्ये 178/7 पर्यंत मजल मारता आली. कर्णधार सलमान आघाने 44 बॉल 63 आणि उस्मान खानने 23 बॉल 33 तर मोहम्मद नवाजने 16 बॉल 27 रनची खेळी केली. श्रीलंकेकडून दुष्मता चमिराने 4, इशान मलिंगाने 2 आणि वानिंदू हसरंगाने 1 विकेट घेतली.