TRENDING:
हार्दिक पांड्याचा एक व्हिडिओ सोशल मीडियावर व्हायरल होत आहे. या व्हायरल व्हिडिओमध्ये हार्दिक पांड्या एका ठिकाणावरून येतो आणि आपल्या नवीन फरारी गाडीत बसायला जातो.यावेळी चाहत्यांना हार्दिक आल्याची आधीच माहिती मिळाली असल्याने त्यांची एकच गर्दी जमते. त्यानंतर हार्दित एकताच चाहते त्याला हार्दिक भाई कॉग्रेच्युलेशन म्हणत त्याला शुभेच्छा देतात. या दरम्यान एक चाहता समोरून येत असतो.तो ज्या अवस्थेत समोर येतो ते पाहता गाडीला इजा होईल असे वाटत होते.त्यामुळे तो त्याला म्हणतो भाऊ सांभाळून,खूप मेहनतीने गाडी घेतली आहे.त्यानंतर हार्दिक आपल्या गाडीतून निघून जातो.
advertisement
हार्दिक पांड्याच्या नवीन सुपरकार, फेरारी 12 सिलेंडरची ऑन-रोड किंमत सुमारे 12 कोटी रुपये असल्याचे म्हटले जाते. नेरो डेटोना रंगाची ही कार जगभरातील सर्वात लोकप्रिय गाड्यांपैकी एक आहे आणि हार्दिक पांड्या त्याची गर्लफ्रेंड महिका शर्मासोबत मुंबईच्या रस्त्यांवर ही गाडी चालवताना दिसला होता.
फेरारी कारची वैशिष्ट काय?
हार्दिक पांड्याच्या नवीन फेरारी 12 सिलेंडरच्या लूक आणि डिझाइनबद्दल बोलायचे झाल्यास, या सुपरकारचा लूक 60वर्षांपूर्वीच्या क्लासिक 365 GTB/4 डेटोना पासून प्रेरित आहे. यामध्ये आधुनिक एरोडायनॅमिक्स, भविष्यवेधी डिझाइन, फ्लश डोअर हँडल्स, बोनेटवर काळा पट्टा आणि रॅप-अराउंड एलईडी बार, आकर्षक एलईडी डीआरएल, मागील बाजूस धारदार टेललाइट्स, ॲक्टिव्ह रिअर फ्लॅप्स आणि 21-इंची अलॉय व्हील्स यांसारख्या बाह्य वैशिष्ट्यांचा समावेश आहे.
नवीन फेरारी 12 सिलेंडरच्या केबिनमध्ये ट्रिपल डिस्प्ले सेटअप आहे, ज्यामध्ये 10.25-इंचाची टचस्क्रीन इन्फोटेनमेंट सिस्टीम, 15.6-इंचाचा डिजिटल इन्स्ट्रुमेंट क्लस्टर आणि प्रवाशांना ड्रायव्हिंग-संबंधित माहिती पुरवणारी दुसरी 8.8-इंचाची स्क्रीन समाविष्ट आहे. फेरारीच्या एसयूव्ही पुरोसांग्वेपासून प्रेरित असलेल्या या केबिनमध्ये 1600-वॉटची, 15-स्पीकर बर्मेस्टर साउंड सिस्टीम, वायरलेस स्मार्टफोन कनेक्टिव्हिटी, वायरलेस चार्जर, 360-डिग्री कॅमेरा आणि ॲडव्हान्स्ड ड्रायव्हर असिस्टन्स सिस्टीम (ADAS) सह इतर अनेक वैशिष्ट्ये आहेत.
फेरारीची 12-सिलेंडर सुपरकार तिच्या शक्तिशाली V12 इंजिनसाठी प्रसिद्ध आहे. यामध्ये 6.5-लिटरचे नॅचरली ॲस्पिरेटेड V12 इंजिन आहे, जे 830 हॉर्सपॉवर आणि 678 Nm टॉर्क निर्माण करते. 8-स्पीड ड्युअल-क्लच ऑटोमॅटिक गिअरबॉक्सशी जोडलेली ही सुपरकार केवळ 2.9 सेकंदात 0 ते 100 किमी/तास वेग गाठते आणि तिचा सर्वोच्च वेग 340 किमी/तास आहे.