TRENDING:
India vs South Africa 1st odi : झारखंड क्रिकेट असोसिएशनच्या मैदानात सूरू असलेल्या पहिल्या वनडे सामन्यात टीम इंडियाने प्रथम फलंदाजी करताना 8 विकेट गमावून 349 धावा ठोकल्या आहेत. त्यामुळे साऊथ आफ्रिकेसमोर 350 धावांचे आव्हान आहे. या आव्हानांचा पाठलाग करताना गंभीरचा लाडका हर्षित राणाने भेदक गोलंदाजी करून दुसऱ्याच ओव्हरमध्ये साऊथ आफ्रिकेला गुडघ्यावर आणलं आहे.
advertisement
भारताने दिलेल्या 350 धावांच्या लक्ष्याचा पाठलान करताना साऊथ आफ्रिकेची सूरूवात खराब झाली होती.कारण भारताच्या दुसऱ्याच ओव्हरमध्ये गंभीरचा लाडका हर्षित राणाने झटपट दोन विकेट घेतले. पहिल्यांदा हर्षित राणाने रॅन रिकल्टनला क्लिन बोल्ड केले.त्यानंतर पुन्हा तिसऱ्या बॉलवर त्याने क्विटन डिकॉकला राहुलद्वारे विकेटमागे कॅचआऊट केले.अशाप्रकारे तीनच बॉलमध्ये राणाने आफ्रिकेला गुडघ्यावर आणलं होतं.
विशेष म्हणजे हर्षित राणाने त्याच्या पहिल्याच ओव्हरमध्ये 2 धावा दिल्या आणि दोन विकेट काढल्या होत्या. या त्याच्या बॉलिंगमुळे भारताच्या गोलंदाजीची सूरूवात चांगली झाली होती. हर्षित राणानंतर अर्शदिप सिंहने कर्णधार एडन मार्करमची विकेट घेतली आहे. अर्शदिप सिंह टाकलेल्या बॉलवर एडम मार्करमच्या बॅटीला कड लागून बॉल थेट राहुलच्या हातात गेला होता. त्यामुळे मार्करम बाद झाला होता.
भारताची दमदार बॅटींग
प्रथम फलंदाजी करताना भारताने दमदार सुरूवात केली होती.भारताकडून विराट कोहलीने 135 धावांची खेळी केली होती.या खेळीत त्याने 7 षटकार आणि 11 चौकार मारले आहेत. त्याच्या व्यतिरिक्त रोहित शर्माने 57 धावांची कर्णधार के एल राहुलने 60 धावांची खेळी केली होती. या खेळीच्या बळावर भारताने 8 विकेट गमावून 349 धावा ठोकल्या आहेत. त्यामुळे साऊथ आफ्रिकेसमोर 350 धावांचे आव्हान आहे.
दक्षिण आफ्रिकेची प्लेइंग इलेव्हन: रायन रिकेल्टन, क्विंटन डी कॉक (यष्टीरक्षक), एडन मार्कराम (कर्णधार), मॅथ्यू ब्रेट्झके, टोनी डी झोर्झी, डेवाल्ड ब्रेविस, मार्को जॅनसेन, कॉर्बिन बॉश, प्रिनेलन सुब्रेन, नांद्रे बर्गर आणि ओटनील बार्टमन.
भारताची प्लेइंग इलेव्हन: रोहित शर्मा, यशस्वी जयस्वाल, विराट कोहली, रुतुराज गायकवाड, वॉशिंग्टन सुंदर, केएल राहुल (यष्टीरक्षक/कर्णधार), रवींद्र जडेजा, हर्षित राणा, कुलदीप यादव, अर्शदीप सिंग आणि प्रसिद्ध कृष्णा