TRENDING:
काय म्हणाला पंत?
रांचीमधल्या वनडे सामन्यापूर्वी विराट कोहलीने नेटमध्ये जोरदार सराव केला, यावेळी विकेट कीपर ऋषभ पंत त्याला प्रोत्साहन देताना दिसला. नेट सेशन दरम्यान कोहलीने फास्ट बॉलर अर्शदीप सिंगचाही सामना केला. जेव्हा अर्शदीपने शॉर्ट बॉल टाकला तेव्हा विराटने शानदार लोफ्टेड शॉट खेळला. त्याच्या मागे उभा असलेला ऋषभ पंत हा शॉट पाहिल्यानंतर त्याचे कौतुक करताना दिसला. 'भाई तगड़ा मार दिया', असं वाक्य विराटचा शॉट पाहून पंतच्या तोंडातून आलं.
advertisement
दक्षिण आफ्रिकेविरुद्ध रोहित-विराटची गर्जना
रोहित शर्मा आणि विराट कोहली दोघांनीही दक्षिण आफ्रिकेविरुद्धच्या सामन्याआधी खूप मेहनत घेतली. ऑस्ट्रेलियाविरुद्धच्या वनडे सीरिजनंतर दीर्घ विश्रांतीनंतर हे दोन्ही खेळाडू अलीकडेच आंतरराष्ट्रीय क्रिकेटमध्ये परतले आहेत. ऑस्ट्रेलियाविरुद्धच्या सीरिजमध्ये रोहित शर्माने एक शतक आणि एक अर्धशतक झळकावले आणि मालिकावीराचा पुरस्कार मिळवला. कोहलीने सिडनी वनडेमध्ये अर्धशतक झळकावले.
2027 वर्ल्ड कपवर नजर
रोहित शर्मा आणि विराट कोहली रांची वनडेपूर्वी टीममधील इतर खेळाडूंसमोर स्टेडियमवर पोहोचले आणि नेट प्रॅक्टिस केली. रोहित आणि कोहली दोघेही या मालिकेत आक्रमक बॅटिंग करून 2027 च्या वनडे वर्ल्ड कपसाठी आपला दावा मजबूत करण्याचा प्रयत्न करतील. तर चाहत्यांनाही या दोघांकडून मोठ्या स्कोअरची अपेक्षा आहे. रोहित आणि कोहलीच्या उपस्थितीत टीम इंडियाला कसोटी मालिकेतील पराभवाचाही बदला घ्यायचा आहे.