IND vs SA : विराट मैदानाबाहेर जाताच चमत्कार, टीम इंडियाच्या 'फ्लाईंग जट'कडे मार्करमही बघत राहिला, Video

तिलक वर्माच्या या फिल्डिंगचा व्हिडिओ सोशल मीडियावर व्हायरल होत आहे. या कामगिरीबद्दल चाहते तिलकचं कौतुकही करत आहेत. उत्कृष्ट फिल्डिंग केल्यानंतर तिलक वर्मा पुन्हा एकदा ड्रेसिंग रूममध्ये गेला.

या सामन्यात दक्षिण आफ्रिकेचा कर्णधार टेम्बा बऊमा याने टॉस जिंकून टीम इंडियाला पहिले बॅटिंगला पाठवलं. यानंतर विराट कोहली आणि ऋतुराज गायकवाडच्या शतकामुळे भारताने 50 ओव्हरमध्ये 5 विकेट गमावून 358 रन केले. ऋतुराज गायकवाडने 105 तर विराट कोहलीने 102 रनची खेळी केली. याशिवाय कर्णधार केएल राहुलने 66 रनचं मोलाचं योगदान दिलं. 3 वनडे मॅचच्या या सीरिजमध्ये टीम इंडिया 1-0 ने आघाडीवर आहे, त्यामुळे सीरिजमधलं आव्हान कायम ठेवण्यासाठी दक्षिण आफ्रिकेला दुसरी वनडे जिंकणं गरजेचं आहे.