संसाराच्या व्यापातूनही शोधली संधी! मावळच्या सखुबाई लंकेंचा आवाज एकदा ऐकाच, पुन्हा पुन्हा पाहाल VIDEO

वयाच्या सोळाव्या वर्षी लग्न झाल्यावर सखुबाई यांनी संपूर्ण आयुष्य कुटुंबाला समर्पित केलं. मात्र, आता त्यांनी सिद्ध केलं आहे, की कलेला कोणतीही ‘एक्सपायरी डेट’ नसते. कोणत्याही प्रकारचे ग्लॅमरस शूटिंग किंवा एडिटिंगचा आधार न घेता, सखुबाई अगदी साध्या घरात, सहजपणे गाणी गाऊन व्हिडिओ रेकॉर्ड करतात. त्यांचा हाच साधेपणा आणि प्रामाणिकता लाखो लोकांना भुरळ घालत आहे.

सखुबाई यांनी गायलेल्या 'पन्ना की तमन्ना' या गाण्याच्या व्हिडिओला आतापर्यंत तब्बल ३.२ दशलक्ष (सुमारे ३२ लाख) व्ह्यूज मिळाले आहेत. तसंच, इन्स्टाग्रामवर त्यांची फॉलोअर्सची संख्या २७ हजारांहून अधिक झाली आहे. लता मंगेशकर यांच्यासह अनेक गायकांची जुनी हिंदी गीते त्या जेव्हा आत्मविश्वासाने आणि मनापासून गातात, तेव्हा त्यांच्या सुरातून त्यांच्यातील ही जिद्द आणि प्रतिभा स्पष्टपणे दिसून येते. सखुबाई लंके यांची ही कहाणी ही फक्त एका गोड आवाजाची नाही, तर प्रत्येक गृहिणीच्या स्वप्नांना मिळालेल्या संधीची आणि जिद्दीची आहे.