भारताकडून एकट्या यशस्वी जयस्वालला अर्धशतक करता आलं. जयस्वाल 58 रनची खेळी करून आऊट झाला, तर वॉशिंग्टन सुंदरने 48 रन केले. पहिल्या इनिंगमध्ये कर्णधार ऋषभ पंत आणि ध्रुव जुरेल यांनी खेळलेल्या शॉटमुळे वाद निर्माण झाला आहे. टीम इंडिया अडचणीत असताना जुरेल आणि पंतने खेळलेल्या शॉटमुळे त्यांच्यावर टीका केली जात आहे. ध्रुव जुरेल शून्य रनवर आणि ऋषभ पंत 7 रन करून आऊट झाला.
advertisement
जुरेलच्या सिलेक्शनवर प्रश्नचिन्ह
ध्रुव जुरेलची भारताच्या वनडे टीममध्ये फक्त 7 लिस्ट ए मॅचनंतर निवड झाली. तर टेस्ट टीममध्ये तो फक्त 15 प्रथम श्रेणी सामने खेळून आला. आयपीएलमध्ये एकही धमाकेदार सिझन न खेळता जुरेलची भारताच्या टी-20 टीममध्ये निवड झाली. एवढच नाही तर राजस्थान रॉयल्सने बटलर, बोल्ट यांच्यासारख्या दिग्गज खेळाडूंना सोडून जुरेलला तब्बल 14 कोटी रुपयांना रिटेन केलं. ध्रुव जुरेलला तिन्ही फॉरमॅट आणि आयपीएलमध्ये मिळत असलेल्या या संधीबाबत क्रिकेट चाहत्यांकडून प्रश्नचिन्ह उपस्थित केलं जात आहे. ध्रुव जुरेल पर्ची क्रिकेटर असल्याची टीका क्रिकेट चाहत्यांकडून केला जात आहे. याआधी पाकिस्तान क्रिकेटमध्ये पर्ची क्रिकेटरवरून बरेच आरोप झाले होते. वशिलेबाजीवर निवड झालेल्या खेळाडूंना पाकिस्तान क्रिकेटमध्ये पर्ची क्रिकेटर म्हणून संबोधित केलं गेलं होतं.
टीम इंडियावर नामुष्की
याआधी मागच्या वर्षी न्यूझीलंडविरुद्ध घरच्या मैदानात टीम इंडियाचा 3-0 ने पराभव झाला होता, त्यानंतर आता दक्षिण आफ्रिकेविरुद्धही टीम इंडियावर 2-0 ने व्हाईट वॉश होण्याची नामुष्की ओढावण्याची शक्यता आहे. या सीरिजमध्येही टीम इंडिया व्हाईट वॉश झाली तर गौतम गंभीरचं प्रशिक्षकपदही धोक्यात येण्याची शक्यता आहे.