IND vs SA : रोहित उगाच भडकत नाही, मॅचनंतर कुलदीप यादव DRSवर स्पष्टच बोलला, VIDEO आला समोर

खरं तर सामन्या दरम्यान कुलदीप यादवचा रोहित शर्मासोबत गमतीशीर वाद झाला होता. या वादावर सामन्यानंतर कुलदीप यावर बोलला आहे. डीआरएस घेण्यामध्ये मी खूप वाईट आहे, हे त्याला (रोहित)माहित आहे,त्यामुळे तो माझे पाय मागे खेचण्याचा प्रयत्न करतो.जर बॉल पॅडवर आदळला तर मला असं वाटते की प्रत्येक बॉलवर एक विकेट आहे, असे कुलदीप यादव सांगतो.

advertisement

जेव्हा तुमचा माजी कर्णधार असतो.केएल विकेटच्या मागे खरोखर चांगला आहे आणि विशेषतः डीआरएस कॉलमध्ये, गोलंदाज म्हणून तुम्हाला असे वाटते की प्रत्येक नॉट आउट आउट आहे. म्हणून तुम्हाला शांत करण्यासाठी मार्गदर्शन करण्यासाठी तुमच्याभोवती असे लोक असले पाहिजेत, असे देखील त्याने पुढे कबूल केले.

तसेच विकेट फलंदाजीसाठी चांगली आहे. नियम बदलल्यामुळे, 34 षटकांनंतर फक्त एकच चेंडू असतो,चेंडू होल्डिंग होता आणि धावा काढणे सोपे नव्हते. मी त्यात विविधता मिसळली, स्क्रॅम्बल्ड सीम, लेग-स्पिन, गुगली, फ्लिपर गोलंदाजी केली, फक्त विविधता बदलण्याचा प्रयत्न केला,त्यामुळे विकेट मिळाल्याचे कुलदीप यादव सांगतो.

सामन्यात वाद काय झाला? 

खरं ही घटना 43 व्या ओव्हर दरम्यान घडली आहे. कुलदीप यादवने या ओव्हरच्या दुसऱ्याच बॉलवर कॉर्बिन बॉशला कॉट अॅड बोल्ड केले होते.त्यानंतर याच ओव्हरच्या पाचव्या बॉलवर त्याने लुंगी एनगिडीला एलबीडब्ल्यू करण्याचा प्रयत्न केला.पण अंपायरने त्याला नाबाद दिले होते. त्यामुळे शेवटी त्याच्याकडे डिआरएसचा पर्याय उरला होता.त्यामुळे कुलदीप राहुलकडे बधून बोलतो, भाई घ्या ना, 2 डिआरएस तर बाकी आहेत.(भाई ले लो ना, 2 डिआरएस बाकी आहे)

कुलदीपच्या या मागणीवर कॅप्टन राहुल रोहित शर्माकडे बघतो आणि हसत सुटतो. आणि पुढे म्हणतो अरे बॉल विकेटच्या जवळपास पण नाही आहे.शेवटी रोहित शर्मा त्याला हातवारे करत म्हणतो जा बॉल टाक,त्याच्यानंतर कुलदीपचा चेहरा पूर्णपणे उतरतो.नंतर रोहित पुढे म्हणते काय सारखं सारखं आऊट आणि तो हसत सुटतो त्याच्यापाठोपाठ विराट कोहलीला देखील आपलं हसू आवरता येत नाही आणि तिकडे काँमेंट्री बॉक्समध्ये देखील सगळे हसत सुटतात.

या संदर्भातला व्हिडिओ सोशल मीडियावर व्हायरल झाला आहे. आणि या व्हिडिओ पाहून अनेकांना आपलं हसू आवरता येत नाही आहे.