Gautam Gambhir : 'घरी जिंकू शकत नाही, कोचिंग सोडून दे', पब्लिकसमोर गंभीरचा अपमान, मैदानतला शॉकिंग Video

सोशल मीडियावर एक व्हिडिओ समोर आला आहे ज्यामध्ये एक माणूस अंतरावर उभा राहून गौतम गंभीरवर थेट निशाणा साधत आहे.. त्या व्यक्तीने भारतीय टीमच्या आकडेवारीचा हवाला देत गौतम गंभीरने कोचिंग सोडावे, अशीच मागणी केली आहे.

advertisement

'घरच्या मैदानावर 3-0, दक्षिण आफ्रिकेविरुद्ध 1-0, कोचिंग सोडा. तुम्ही घरच्या मैदानावर दक्षिण आफ्रिकेविरुद्ध जिंकू शकत नाही, 2027 चा वर्ल्ड कप विसरून जा', असं ही व्यक्ती या व्हिडिओमध्ये म्हणत आहे. मुख्य म्हणजे गौतम गंभीर काही अंतरावर असतानाच चाहत्याने त्याच्यावर ही टीका केली आहे.

टीम इंडियाची खराब कामगिरी

भारतीय टीम कसोटी क्रिकेटमध्ये विशेषतः खराब कामगिरी करत आहे. गेल्या वर्षी, गौतम गंभीरच्या मुख्य प्रशिक्षकपदाखाली न्यूझीलंडने भारतात येऊन घरच्या मैदानावर कसोटी मालिकेत टीम इंडियाला 3-0 ने क्लीन स्वीप केले. आता, दक्षिण आफ्रिकेनेही घरच्या मैदानावर कसोटी मालिकेत भारतीय टीमला 2-0 ने पराभूत केले आहे.

कोलकाता कसोटीत भारतीय बॅटिंगला 124 रनचे लक्ष्य गाठता आले नाही. गुवाहाटी कसोटीत टीम इंडियाला 408 रननी पराभव पत्करावा लागला. कसोटी क्रिकेट इतिहासातील हा भारताचा रनच्या बाबतीत हा सर्वात मोठा पराभव आहे. या खराब कामगिरीमुळे भारताच्या WTC 2027 च्या फायनलमध्ये पोहोचण्याच्या आशांनाही धक्का लागला आहे.