वनडे सीरिजमध्ये फास्ट बॉलर कागिसो रबाडा खेळणार नाही. टेस्ट सीरिजआधी प्रॅक्टिस सेशनवेळी रबाडाला दुखापत झाली होती, त्यामुळे तो दक्षिण आफ्रिकेला परतला आहे. आंतरराष्ट्रीय क्रिकेटमधून निवृत्तीचा निर्णय मागे घेतल्यानंतर विकेट कीपर क्विंटन डिकॉकचंही दक्षिण आफ्रिकेच्या टीममध्ये कमबॅक झालं आहे. नुकत्याच पाकिस्तानविरुद्ध झालेल्या वनडे सीरिजमध्ये डिकॉकने उत्कृष्ट कामगिरी केली होती. 3 इनिंगमध्ये त्याने एक शतक आणि दोन अर्धशतकांसह 232 रन केले होते.
advertisement
प्रिटोरियसला संधी नाही
पाकिस्तानविरुद्धच्या वनडे सीरिजमध्ये दक्षिण आफ्रिकेकडून सर्वाधिक रन करणाऱ्या खेळाडूंमध्ये दुसऱ्या क्रमांकावर राहिलेल्या लुहान डि प्रिटोरियसला भारताविरुद्धच्या वनडे सीरिजसाठी टीममध्ये स्थान देण्यात आलं नाही. तर एडन मार्करमचं टी-20 टीममध्ये पुनरागमन झालं आहे. डोनोवन फरेराऐवजी मार्करम टीमचं नेतृत्व करेल. पाकिस्तानविरुद्धच्या वनडे सीरिजमध्ये न खेळलेला केशव महाराज भारताविरुद्ध वनडे खेळणार आहे.
एनरिक नॉर्कियाचं टी-20 मध्ये कमबॅक
मागच्या वर्षी भारताविरुद्ध टी-20 वर्ल्ड कप फायनलनंतर एकही आंतरराष्ट्रीय मॅच न खेळलेला फास्ट बॉलर एनरिक नॉर्कियाचं टी-20 टीममध्ये कमबॅक झालं आहे. भारत आणि दक्षिण आफ्रिका यांच्यात 9 डिसेंबरपासून 5 टी-20 मॅचची सीरिज खेळवली जाणार आहे.
दक्षिण आफ्रिकेची वनडे टीम
टेम्बा बऊमा (कर्णधार), ओटिनिल बार्टमन, मॅथ्यू ब्रीट्जके, डेवाल्ड ब्रेविस, नांद्रे बर्गर, क्विंटन डिकॉक, टोनी डि जॉर्जी, रुबिन हरमन, मार्को यानसन, केशव महाराज, एडन मार्करम, लुंगी एनगिडी, रियान रिकलटन, प्रेनेलन सुब्रायन
दक्षिण आफ्रिकेची टी-20 टीम
एडन मार्करम (कर्णधार), ओटिनिल बार्टमन, कॉर्बिन बॉश, डेवाल्ड ब्रेविस, क्विंटन डिकॉक, टोनी डी जॉर्जी, डोनोवन फरेरा, रिझा हेन्ड्रिक्स, मार्को यानसन, जॉर्ज लिंडे, केशव महाराज, क्वेना मफाका, डेव्हिड मिलर, लुंगी एनगिडी, एनरिक नॉर्किया, ट्रिस्टन स्टब्स