Tamhini Ghat Accident: 'घरची परिस्थिती बरी नाही, जाऊ नको' ताम्हिणी घाटात अपघातात मृत 'श्री'ची परिस्थिती ऐकून डोळ्यात येईल पाणी!

पुणे : ताम्हिणी घाटातील थार गाडीचा झालेला भीषण अपघात. सहा जिवलग मित्रांचा झालेला मृत्यू हा केवळ आकडा नाही, तर सहा कुटुंबांचा आधार एकाच क्षणात हिरावून नेणारी घटना ठरली. या अपघातातील 18 वर्षीय श्री कोळीच्या मृत्यूने मात्र त्याच्या कुटुंबावर शोककळा पसरली आहे. या अपघातात सहा जिवलग मित्रांचा अत्यंत वाईट असा अंत झाला आहे. लहानपणापासून एकत्र वाढलेले हे मित्र या अपघातात एकसाथ मृत्यूमुखी पडले. दरम्यान, आता या अपघातात मृत्यूमुखी पडलेल्या श्री च्या कुटुंबियांची अत्यंत भावस्पर्श अशी बाजू समोर आली आहे.