विराट आणि रोहितचे चिमुकले फॅन्स
व्हिडीओमध्ये दिसत असलेल्या लहान मुलीने विराट कोहलीच्या नावाचा आणि जर्सी नंबर 18 चा टी-शर्ट घातला होता, तर तिच्या भावाने रोहित शर्माच्या नावाचा आणि नंबर 45 चा टी-शर्ट घातला होता. या दोन्ही भावंडांनी टीम इंडियाच्या टेस्ट व्हाईट-बॉल (White-Ball) फॉरमॅटच्या जर्सी घातल्या होत्या, ज्यांच्या पाठीवर विराट आणि रोहित या दोन लेजंड्सची नावं होती. ही दोघं स्टेडियममध्ये मस्ती करताना दिसले. याचा व्हि़डीओ सोशल मीडियावर व्हायरल झाला आहे.
advertisement
पाहा Video
पहिल्या दिवसाचा खेळ
टॉस जिंकून वेस्ट इंडिजचा कर्णधार रोस्टन चेसने (Roston Chase) प्रथम बॅटिंग करण्याचा निर्णय घेतला, पण भारतीय बॉलर्सनी हा निर्णय चुकीचा ठरवला. मोहम्मद सिराजने (Mohammed Siraj) भेदक बॉलिंग करत 4 विकेट्स घेतल्या. त्याला जसप्रीत बुमराहने (Jasprit Bumrah) उत्तम साथ दिली, ज्याने 3 विकेट्स घेतल्या. फिरकी बॉलर्सपैकी कुलदीप यादवने 2 विकेट्स आणि वॉशिंग्टन सुंदरने (Washington Sundar) 1 विकेट घेतली. अशाप्रकारे वेस्ट इंडिजचा डाव 162 धावांवर गडगडला.
वेस्ट इंडिजकडून सर्वाधिक रन जस्टिन ग्रीव्ह्सने (Justin Greaves) 32 रन केले. रोस्टन चेसने 24 रन आणि शाई होपने (Shai Hope) 26 रन चे योगदान दिलं. वेस्ट इंडिजचा डाव लवकर संपल्यानंतर भारताने आत्मविश्वासाने सुरुवात केली. यशस्वी जयस्वाल मोठी इनिंग खेळू न शकल्याने केएल राहुल (KL Rahul) एक बाजू सांभाळून उभा राहिला आणि त्याने शानदार 53 रन (नॉट आऊट) करत आपले अर्धशतक पूर्ण केलं.
दरम्यान, यशस्वी जयस्वाल (Yashasvi Jaiswal) आणि राहुल यांनी पहिल्या विकेटसाठी 68 रनची भागीदारी केली. जयस्वाल 36 रन करून आऊट झाला, तर साई सुदर्शन (Sai Sudharsan) केवळ 7 रन करून माघारी परतला. दिवसाचा खेळ संपला तेव्हा कर्णधार शुभमन गिल (Shubman Gill) 18 रन (नॉट आऊट) सह केएल राहुल क्रीझवर होता.