संघात जागाच मिळाली नाही,दुसऱ्या वनडे दरम्यान टीम इंडियाच्या स्टार खेळाडूची तडकाफडकी निवृत्ती

टीम इंडियाचा स्टार गोलंदाज मोहित शर्माने क्रिकेटच्या सर्व प्रकारच्या फॉरमॅटमधून निवृत्ती घेण्याची घोषणा केली आहे. मोहितने सोशल मीडियावर पोस्ट शेअर करून याबाबतची माहिती दिली आहे.मोहित शर्माने इंस्टाग्रामवर लिहिले की, "आज, मनापासून, मी सर्व प्रकारच्या क्रिकेटमधून निवृत्ती जाहीर करतो. हरियाणाकडून खेळण्यापासून ते भारताची जर्सी घालून आयपीएलमध्ये खेळण्यापर्यंतचा हा प्रवास एका आशीर्वादापेक्षा कमी नव्हता. माझ्या कारकिर्दीचा कणा असल्याबद्दल हरियाणा क्रिकेट असोसिएशनचे खूप खूप आभार आणि अनिरुद्ध सरांचे खूप खूप आभार, ज्यांचे सतत मार्गदर्शन आणि माझ्यावरील विश्वासाने माझा मार्ग अशा प्रकारे घडवला की शब्दात वर्णन करू शकत नाहीत,असे मोहित शर्मा म्हणाला आहे.

advertisement

"बीसीसीआय, माझे प्रशिक्षक, माझे सहकारी, आयपीएल फ्रँचायझी, सपोर्ट स्टाफ आणि माझ्या सर्व मित्रांचे त्यांच्या प्रेम आणि पाठिंब्याबद्दल आभार. माझ्या पत्नीचे विशेष आभार, ज्यांनी नेहमीच माझ्या मनःस्थितीतील बदल आणि राग हाताळला आणि प्रत्येक गोष्टीत मला साथ दिली. मी खेळाला नवीन मार्गांनी सेवा करण्यास उत्सुक आहे. खूप खूप धन्यवाद,असे शेवटी मोहित शर्माने लिहले होते.

2015 साली शेवटचा सामना खेळला

मोहित शर्माने भारतासाठी शेवटचा सामना हा 2015 साली खेळला होता. मोहितने भारतासाठी 26 एकदिवसीय सामने आणि आठ टी20 आंतरराष्ट्रीय सामने खेळले आहेत.तसेच उजव्या हाताच्या या वेगवान गोलंदाजाने एकदिवसीय सामन्यात 31 बळी घेतले आहेत, तर टी20 आंतरराष्ट्रीय सामन्यात त्याने 6 बळी घेतले होते.

IPL मुळे प्रसिद्धी झोतात आला

मोहित शर्मा पहिल्यांदा 2013 मध्ये आयपीएलमध्ये प्रसिद्धीच्या झोतात आला होता.एमएस धोनीच्या नेतृत्वाखाली चेन्नई सुपर किंग्जकडून खेळताना मोहितने 15 सामन्यांमध्ये 20 विकेट्स घेतल्या. त्या हंगामात त्याच्या कामगिरीचे त्याला बक्षीस मिळाले आणि झिम्बाब्वेविरुद्धच्या मालिकेसाठी त्याला एकदिवसीय संघात स्थान देण्यात आले. मोहितने या मालिकेत पदार्पण केले आणि दोन सामन्यांमध्ये तीन विकेट्स घेतल्या. मोहितने 2014 च्या विश्वचषकात ऑस्ट्रेलियाविरुद्ध टी20 आंतरराष्ट्रीय पदार्पण केले. त्याने आयपीएल 2014 मध्ये 16 सामन्यांमध्ये 23 विकेट्स घेत पर्पल कॅप जिंकली होती.