TRENDING:
2024 साली न्यूझीलंडविरुद्ध घरच्या मैदानातच टेस्ट सीरिजमध्ये टीम इंडियावर व्हाईट वॉश पराभवाची नामुष्की ओढावली, त्यानंतर ऑस्ट्रेलिया दौऱ्यातल्या टेस्ट सीरिजमध्येही टीम इंडियाचा पराभव झाला. 2025 मध्ये दक्षिण आफ्रिकेनेही टीम इंडियाला भारतामध्येच पराभवाची धूळ चारली.
टीम इंडियात निवृत्तीचा सिलसिला
ऑस्ट्रेलिया दौऱ्यातल्या खराब कामगिरीनंतर टीम इंडियामध्ये निवृत्तीचा सिलसिला सुरू झाला. ऑस्ट्रेलिया दौरा सुरू असतानाच अश्विनने तडकाफडकी निवृत्तीची घोषणा केली. यानंतर रोहित शर्मा आणि विराट कोहलीनेही निवृत्तीची घोषणा केली. टीम इंडियाचा दिग्गज ऑफ स्पिनर आर अश्विनने त्याच्या निवृत्तीवर पहिल्यांदाच गौप्यस्फोट केला आहे.
advertisement
'ऑस्ट्रेलिया दौऱ्यात पर्थमधल्या पहिल्या टेस्टआधी मी आणि जडेजा टीमचे प्रमुख स्पिनर होतो, पण त्या सामन्यात वॉशिंग्टन सुंदर खेळला, त्यानंतर पुढच्या सामन्यात पुन्हा माझं टीममध्ये कमबॅक झालं, यानंतर तिसऱ्या सामन्यात पुन्हा मला मार्ग मोकळा करून द्यावा लागला. तेव्हाच माझी वेळ आता संपली आहे, हे मला समजलं', असं वक्तव्य अश्विनने केलं आहे.
अश्विनचं करिअर
आर अश्विन हा टीम इंडियाचा टेस्ट क्रिकेटमधल्या टीम इंडियाचा दुसरा सर्वाधिक विकेट घेणारा बॉलर आहे. अश्विनने 106 टेस्टमध्ये 24.01 च्या सरासरीने 537 विकेट घेतल्या, याशिवाय त्याने 25.76 च्या बॅटिंग सरासरीने 3,503 रनही केल्या ज्यात 6 शतकं आणि 14 अर्धशतकांचा समावेश आहे.