TRENDING:
रशियातील यशाची मालिका दिल्लीतही कायम
रशियात चमकदार कामगिरी केल्यानंतर योगेश जांभुळकर यांनी दिल्लीतही आपले यश कायम राखले आहे. 20 ते 22 फेब्रुवारी दरम्यान दिल्लीत झालेल्या आशियन पॉवरलिफ्टिंग स्पर्धेत त्यांनी मास्टर गटात एक सुवर्ण आणि दोन कांस्य पदकांची कमाई केली आहे. या स्पर्धेत भारतासह काही प्रमुख आशियाई देशांनी सहभाग नोंदवला होता.
advertisement
Success Story: नोकरी करायची की व्यवसाय? यज्ञेशनं निर्णय घेतला, आता फेमस ब्रँड अन् लाखात कमाई, Video
महाराष्ट्राच्या विविध भागातील स्पर्धकांनी एकूण 55 सुवर्णपदके पटकावून राज्याच्या शिरपेचात मानाचा तुरा रोवला. या स्पर्धेत आशिया खंडातील एकूण 252 स्पर्धक सहभागी झाले होते. पाच देशांमधील या स्पर्धकांमध्ये महाराष्ट्रातील 31 स्पर्धक होते. ही स्पर्धा ‘वर्ल्ड रॉ पॉवरलिफ्टिंग फेडरेशन इंडिया’ यांच्याकडून आयोजित करण्यात आली होती.
यशाचं रहस्य काय?
योगेश जांभुळकर यांनी सांगितले की, त्यांचे यश कठोर मेहनत, नियमित सराव आणि शिस्तबद्ध आहारामुळे शक्य झाले आहे. ते रोज जिममध्ये अनेक तास सराव करतात आणि प्रशिक्षकांचे मार्गदर्शन घेतात. फक्त शारीरिकच नाही, तर मानसिक तयारीही त्यांनी मोठ्या प्रमाणावर केली आहे, ज्यामुळे मोठ्या स्पर्धांमध्ये दबावाखालीही ते शांत राहून सर्वोत्तम कामगिरी करू शकतात.
दरम्यान, योगेश सांगतात की, आंतरराष्ट्रीय स्तरावर यश मिळवण्यासाठी सातत्य आणि चिकाटी खूप महत्त्वाची आहे. त्यांच्या कामगिरीमुळे पिंपरी-चिंचवडचे नाव आता आंतरराष्ट्रीय पातळीवर पोहोचले आहे.