कोइम्बटूरमध्ये झालेल्या या सामन्यात रिंकूच्या शतकामुळे उत्तर प्रदेशला पहिल्या इनिंगच्या आघाडीमुळे तीन पॉईंट्स मिळाले. तामिळनाडूने पहिल्या इनिंगमध्ये 455 रन केले, त्यानंतर बॅटिंगला आलेल्या उत्तर प्रदेशने 460 रन करून मॅच ड्रॉ केली, पण पहिल्या इनिंगच्या आघाडीमुळे उत्तर प्रदेशला 3 पॉईंट्स देण्यात आले.
रिंकू सिंगच्या 176 रनशिवाय खालच्या क्रमांकावर शिवम मावीनेही 54 रनची खेळी केली. भारतीय टीम दक्षिण आफ्रिकेविरुद्धच्या सामन्यात स्पिनरना खेळताना संघर्ष करत आहे, तेव्हा रिंकूने 176 रनची मॅरेथॉन इनिंग खेळून त्याची टीम इंडियातली दावेदारी आणखी मजबूत केली आहे. रिंकू सिंगने 52 प्रथम श्रेणी सामन्यांमध्ये 59.30 च्या सरासरीने 3,677 रन केले आहेत, या उल्लेखनीय कामगिरीमुळे रिंकू सिंगचा भविष्यात भारतीय टेस्ट टीममध्येही विचार होऊ शकतो.
advertisement
मुंबईचा दणदणीत विजय
दुसरीकडे मुंबईने पुदुच्चेरीवर इनिंग आणि 222 रननी विजय मिळवला आहे. पहिल्या इनिंगमध्ये मुंबईने त्यांचा डाव 630 रनवर घोषित केला, त्यानंतर पुदुच्चेरीचा 132 रनवर ऑलआऊट झाला, त्यामुळे मुंबईने फॉलोऑन दिला. यानंतर बॅटिंगला आलेल्या पुदुच्चेरीचा 276 रनवर ऑलआऊट झाला. 170 रनची खेळी करणाऱ्या सिद्धेश लाडला प्लेअर ऑफ द मॅच देऊन गौरवण्यात आलं.
विदर्भने बडोद्याला हरवलं
माजी चॅम्पियन विदर्भने बडोद्याचा 144 रननी पराभव केला आहे. फास्ट बॉलर दर्शन नालकंडे (15/5) च्या सर्वोत्तम कामगिरीमुळे विदर्भला 6 पॉईंट्स मिळवण्यात यश आलं, त्यामुळे विदर्भ पॉईंट्स टेबलमध्ये पहिल्या क्रमांकावर पोहोचली आहे. विदर्भने दिलेल्या 276 रनच्या आव्हानाचा पाठलाग करताना मंगळवारी बडोद्याने 73 रनवर 5 विकेट गमावल्या होत्या, पण बुधवारी त्यांचा 131 रनवर ऑलआऊट झाला. विदर्भने पहिल्या इनिंगमध्ये 169 रन केले होते, त्यानंतर बडोद्याला 166 रन करता आले होते. दर्शन नालकंडेने 7 वर्षांच्या करिअरमध्ये पहिल्यांदाच इनिंगमध्ये 5 विकेट घेतल्या.