TRENDING:
दक्षिण आफ्रिकेविरुद्धच्या गुवाहाटी टेस्टनंतर स्टेडियममध्ये प्रेक्षकांनी गंभीरच्या विरोधात घोषणाबाजी केली. तसंच मॅचनंतरच्या पत्रकार परिषदेमध्ये गंभीरला त्याच्या भविष्याबाबतही प्रश्न विचारण्यात आले. माझ्या भविष्याचा निर्णय बीसीसीआय घेईल, मी टीमपेक्षा मोठा नाही पण मी प्रशिक्षक असताना भारताने चॅम्पियन्स ट्रॉफी आणि आशिया कप जिंकला, तसंच इंग्लंडमधली सीरिजही 2-2 ने ड्रॉ झाली, हे विसरू नका, असं गंभीर म्हणाला.
advertisement
रोहितने सांगितला मनातला कोच?
एकीकडे गंभीरच्या हकालपट्टीची चर्चा सुरू असतानाच टीम इंडियाचा माजी कर्णधार रोहित शर्मा याने केलेलं एक वक्तव्य चर्चेत आलं आहे. टी-20 वर्ल्ड कपच्या वेळापत्रकाच्या घोषणेवेळी रोहितने आयसीसीसोबत संवाद साधला, याचा व्हिडिओ आयसीसीने शेअर केला आहे. हा व्हिडिओ पाहिल्यानंतर चाहत्यांनी रोहितने त्याच्या मनातला पुढचा कोच सांगितल्याच्या कमेंट चाहत्यांनी केल्या आहेत.
रोहितने केलं अमोल मुझुमदारचं कौतुक
'मी अमोल मुझुमदारला चांगला ओळखतो, कारण मी त्याच्यासोबत क्रिकेट खेळलो आहे. मी मुंबईकडून पदार्पण केलं, तेव्हा अमोल माझा पहिला कर्णधार होता. त्याला काय पाहिजे आहे, हे मला चांगलं समजतं. वर्ल्ड कपवेळी तो शांत होता का? असं मी हरमनला विचारलं. तिचं उत्तर ऐकून मला अजिबात धक्का बसला नाही. हाच अमोल आहे, तो खेळासाठी, टीमसाठी महत्त्वाकांक्षी आहे. मी तिकडे नव्हतो, तरी इंग्लंडविरुद्धच्या सामन्यानंतर ड्रेसिंग रूममध्ये काय झालं असेल, हे मी समजू शकतो. हे सगळं सकारात्मक भावनेतून झालं असेल, कारण खेळाडूंनी आणि टीमने चांगलं खेळावं असं त्याला वाटतं', असं रोहित शर्मा म्हणाला आहे.