Thane Winning Candidate List: एकनाथ शिंदेच ठाण्याचे बॉस, वॉर्डनिहाय विजयी उमेदवारांची यादी

ठाणे महापालिका निवडणुकीत भाजप , एकनाथ शिंदे शिवसेना युती झाली आहे. मनसे आणि बाळासाहेब ठाकरे शिवसेना एकत्र निवडणूक लढत आहेत. तर काँग्रेस, राष्ट्रवादी काँग्रेस शरदचंद्र पवार आणि वंचित बहुजन आघाडी देखील ठाण्यात निवडणूक लढताना दिसत आहेत. उपमुख्यमंत्री एकनाथ शिंदे यांच्यासाठी ठाण्याची निवडणूक प्रतिष्ठेची आहे.

advertisement

2017 साली झालेल्या ठाणे महापालिका निवडणुकीत शिवसेना आणि भाजप आमनेसामने होते. त्या वेळी शिवसेना एकसंध होती. या निवडणुकीत शिवसेनेने 67 जागा जिंकत स्पष्ट बहुमत मिळवले आणि एकहाती सत्ता स्थापन केली. राष्ट्रवादी काँग्रेसने 34 जागांवर विजय मिळवला होता, तर भाजपला 23 जागांवर समाधान मानावे लागले आणि तो तिसऱ्या क्रमांकावर राहिला होता. दरम्यान, शिवसेनेत फुट पडल्यानंतर एकनाथ शिंदेंचं ठाण्यात वर्चस्व असल्याचं पाहायला मिळालंय. ठाण्यात शिंदेंचे ६ बिनविरोध नगरसेवक निवडून आले होते

३० वर्षपासून ठाणे महानगरपालिकेवर शिवसेनेची सत्ता आहे. दिवंगत नेते आनंद दिघे यांच्या काळापासून ठाणे हा शिवसेनेचा मजबूत बालेकिल्ला मानला जातो. केवळ 1987 ते 1993 या सहा वर्षांच्या कालावधीतच काँग्रेसकडे सत्ता होती. त्यानंतर ठाणे महापालिका आणि शिवसेना हे समीकरण कायम राहिले आहे.