अमरावती : काळे मनुके अत्यंत पौष्टिक आणि आरोग्यासाठी फायदेशीर मानले जातात. त्यात लोह, फायबर, कॅल्शियम, अँटिऑक्सिडंट्स, तसेच नैसर्गिक साखर असते. त्यामुळे शरीराला अनेक फायदे होतात. हिवाळ्यात काळे मनुके आहारात घेतल्यास केस गळती आणि त्वचेच्या समस्या देखील दूर होतात. तसेच ॲनिमियाची समस्या दूर होण्यापासून ते वजन कमी करण्यासाठी देखील काळे मनुके फायदेशीर आहेत. जाणून घेऊ, काळे मनुके खाण्याचे आणखी काय फायदे आहेत.

ठाणे : बोंबील फिश लॉलीपॉप हे एक चविष्ट पदार्थ आहे, जे बोंबील माशाचा वापर करून बनवले जाते. यात माशाला लॉलीपॉपसारखे आकार देऊन कुरकुरीत तळले जाते. बोंबील माशाची चव वेगळी असल्यामुळे या पदार्थाला एक खास चव येते. हा पदार्थ स्टार्टर म्हणून खूप लोकप्रिय आहे आणि त्यात बोंबील माशाचे तुकडे मसाले आणि ब्रेड क्रम्ब्समध्ये घोळवून तळले जातात. नॉनव्हेजमध्ये अनेक प्रकारचे लॉलीपॉप खाल्ले असतील, पण रेस्टॉरंटमधल्या लॉलीपॉपसारखे कुरकुरीत बोंबील फिश लॉलीपॉप आपण घरीच बनवू शकतो. ते ही साध्या आणि सोप्या पद्धतीने घरीच बनवू शकतो.

भाजीपाला शेती ही जलद उत्पन्न देणारी आणि आर्थिकदृष्ट्या मजबूत होण्याचा सर्वात सोपा मार्ग मानला जातो. मात्र नियोजन शिवाय केलेली शेती अनेकदा तोट्यात जाते. यामुळे अलीकडच्या काळात ‘स्मार्ट प्लॅनिंग’ हा शब्द शेतीत विशेष महत्वाचा ठरत आहे. माती, हवामान, पाणी उपलब्धता, बाजारातील मागणी आणि पीक कालावधी यांचा अभ्यास करून केलेले शेती नियोजन अधिक फायदेशीर असल्याचे कृषी अभ्यासक लहू चव्हाण यांचे मत आहे. कृषी विभागाकडूनही भाजीपाला शेतीत वैज्ञानिक पद्धतीचा अवलंब करण्याचे आवाहन करण्यात येत आहे.

पुणे : सोशल मीडियावर हेल्थ, फिटनेस आणि झिरो फिगर ट्रेंड्सची क्रेझ झपाट्याने वाढत असताना अनेक तरुण सोशल मीडियाला फॉलो करत शरीराला हानी पोहोचवणाऱ्या उपायांकडे वळत आहेत. डिटॉक्स ड्रिंक्स, क्रॅश डाएट्स, फॅट-बर्निंग स्मूदीज तसेच स्लिमिंग टीचा वाढता वापर आरोग्यास गंभीर धोका निर्माण करत असल्याचा इशारा तज्ज्ञांनी दिला आहे. या ट्रेंड्समुळे शरीरातील नैसर्गिक संतुलन बिघडून कर्करोगाचा धोका वाढू शकतो, असे ऑन्को लाइफ कॅन्सर सेंटर, तळेगाव येथील प्लास्टिक, कॉस्मेटिक आणि रीकन्स्ट्रक्टिव्ह सर्जन डॉ. सोमनाथ वाय. कराड यांनी सांगितले.

सोलापूर : शेतकरी शेतात नवनवीन प्रयोग करत आहेत. सोलापूर जिल्ह्यातील मोहोळ तालुक्यातील येवली गावात राहणारे शेतकरी दत्तात्रय दळवी यांनी असाच एक प्रयोग केला आहे. दोन वर्षांपूर्वी दत्तात्रय यांनी दीड एकरात NMK गोल्ड या जातीच्या सीताफळाची लागवड केली आहे. या लागवडीसाठी त्यांना एक ते दोन लाख रुपयांचा खर्च आला आहे. तर दोन वर्षांत त्यांनी सीताफळ विक्रीतून खर्च वजा करून 6 लाख रुपयांचे उत्पन्न घेतले आहे. त्या संदर्भात अधिक माहिती दत्तात्रय दळवी यांनी लोकल 18 शी बोलताना दिली.