छ.संभाजीनगरमध्ये एका दुकानात साडी ऑफर लगल्या होत्या. या ५,००० च्या साड्या ५०० रुपयाला विकत होते. म्हणून अनेक महिलांनी झुंबड केली होती. तेव्हा चेंगराचेंगरी झाली. या तुडूंब गर्दीत ३ महिला या बेशुद्ध झाल्या. पोलीसांनी हे दुकान बंद केले.

भाजपचे नेते नितेश राणे यांनी पत्रकारांसोबत बोलताना उद्धव ठाकरेंवर घणाघात केला आहे. ते म्हणाले, "उद्धव ठाकरे  15 तारखेनंतर राज ठाकरेंचे पण होणार नाहीत. त्यांनी धक्के सहन करण्याची क्षमता वाढवावी."

निवडणूक झाल्याबरोबर काँग्रेस नेत्या, खासदार प्रणिती शिंदे भाजपमध्ये जाणार आहेत, असा दावा वंचितचे नेते सुजात आंबेडकर यांनी केला होता. त्यावर आता प्रणिती शिंदे यांनी पलटवार करत, माझ्या रक्तात काँग्रेस आहे, मित्र पक्षांनी भ्रम पसरवू नये, असे म्हटले आहे.

एमआयएमचे खासदार असदुद्दीन ओवैसींनी माजी खासदार नवनीत राणांवर जोरदार हल्लाबोल केला. तुम्ही चार नव्हे, तर आठ मुले जन्माला घाला, आम्हाला त्याचे काय देणे घेणे आहे? असे ओवेसी म्हणाले. त्यांच्या वक्तव्यावर नवनीत राणा यांनी पलटवार केला.

शिवसेना ठाकरे गट आणि मनसे हे पहिल्यांदाच एकत्र आले आहेत. तर, दुसरीकडे भाजप-शिवसेना शिंदे गटानेही आक्रमक प्रचाराला सुरुवात केली आहे. या महापालिका निवडणुकीत शिवसेना कोणाची यावर मुंबईकरांचा कौल दिसून येणार आहे. ठाकरे बंधूंची युती आणि शिवसेना शिंदे गट हे ८७ जागांवर एकमेकांविरोधात लढणार आहेत. यातील बहुसंख्य जागा या मराठीबहुल भागातील आहेत. त्यात ६९ मतदारात ठाकरे-शिंदे एकमेकांच्या विरोधात लढणार आहेत. त्यामुळे मुंबई पालिकेत ठाकरेंची अग्निपरीक्षा असणार आहे.