Marathi Song :'माझा पती करोडपती' चित्रपट 20 जानेवारी 1988 मध्ये रिलीज झाला होता. हा चित्रपट खूपच गाजला होता. या चित्रपटात एक गाणं होते 'तुझी माझी जोडी जमली गं' हे गाणं खूपच लोकप्रिय झाले होते. या गाण्यात दोघांची एक भन्नाट केमिस्ट्री दाखवली आहे.  हे गाणं अनुराधा पौडवाल यांनी गायले होते. तर या गाण्याला अरुण पौडवाल यांनी संगीत दिले. या गाण्याचे बोल हे शांताराम नांदगावकर यांनी लिहिले. अशोक सराफ, सचिन पिळगांवकर, सुप्रिया पिळगांवकर, किशोरी शहाणे, निळू फुले, शुभा खोटे आणि मच्छिंद्र कांबळी या कालाकारांनी चित्रपटात मुख्य भूमिका केल्या होत्या. तर या गाण्याचे दिग्दर्शन हे सचिन पिळगावकर यांनी केले होते.

बीड : शेतकरी शेतात नवनवीन प्रयोग करत आहेत. सात एकर शेती असूनही केवळ सव्वा एकर जागेत घेवड्याची (राजमा) लागवड करून एका शेतकऱ्याने लाखोंची कमाई साध्य केली आहे. नित्रुड येथील महादू घोटकर यांनी कमी क्षेत्रात प्रयोगशील शेती करत परंपरागत विचारांना छेद दिला असून, त्यांच्या या मॉडेलमुळे स्थानिक शेतकरी समुदायामध्ये उत्सुकता निर्माण झाली आहे. मागील वर्षापासून सुरू केलेला हा प्रयोग यंदाही यशस्वी ठरला असून, कमी खर्चात मोठा नफा हेच घोटकर यांच्या शेतीचे वैशिष्ट्य ठरले आहे.

वर्ल्ड हेल्थ ऑर्गनायझेशनच्या मते, हृदयविकार हे जगभरातील मृत्यूच्या प्रमुख कारणांपैकी एक आहे. तुमच्या बहुतांश हृदयविकारांचे प्रमुख कारण उच्च कोलेस्ट्रॉल आहे. चला जाणून घेऊया उच्च कोलेस्ट्रॉल म्हणजे काय? उच्च किंवा कमी कोलेस्ट्रॉलची लक्षणे काय आहेत? कोलेस्ट्रॉलची पातळी किती असावी? याबाबत पुणेयेथील डॉ. अविनाश भोंडवे यांनी आपल्याला अधिक माहिती दिली आहे.

आपण देखील घरी श्वान घेण्याच्या विचारात आहात तर त्यापूर्वी काही बाबी लक्षात घेऊन श्वान निवडणे गरजेचे आहे. श्वान आणि आपले दैनंदिन जीवन यातील तारतम्य बाळगून जर योग्य श्वान निवडल्यास श्वान आणि श्वान पालक यांच्यात उत्तम समन्वय राहण्यास मोठी मदत होऊ शकते. नागपूरमधील श्वान प्रशिक्षक श्रीकांत वाढी यांनी या विषयी अधिक माहिती दिली आहे.

कॅन्सर अर्थात कर्करोग आजही जगासमोरील एक जीवघेणी समस्या आहे. बदलत्या जीवनशैलीमुळे हा आजार आणखीनच धोकादायक बनला आहे. कॅन्सरची लक्षणे अगोदरच आढळून आल्यास त्यावर सहज उपचार करता येतात. घशाचा कॅन्सर हा असा आजार आहे ज्याची लक्षणे खूप पूर्वीपासून दिसू लागतात. घशाच्या कॅन्सरसाठी सिगारेट, दारू, तंबाखू, गुटखा आदी पदार्थ प्रामुख्याने कारणीभूत आहेत. त्यामुळे घशाच्या कॅन्सरकडे लक्षणांकडे वेळीच लक्ष दिल्यास हा जीवघेणा आजार टाळता येऊ शकतो, याबाबत पुण्यातील डॉक्टर कल्पना गायकवाड यांनी महत्त्वाची माहिती दिलीय.

काही मैल अंतर पार केलं की संस्कृती आणि बोली भाषा बदलते असं म्हटलं जातं. महाराष्ट्रातील मराठी भाषेत अनेक बोली भाषांचा समावेश आहे. त्यामुळे भाषेच्या समृध्दीत मोठी भर पडली आहे. याच मराठी भाषेत फार मोठ्या गोष्टींचा अर्थ एक वाक्य, म्हणी किंवा वाक्प्रचारतून व्यक्त होतो. अशा अनेक म्हणी आणि वाक्प्रचार आजही बोलताना वापरले जातात. मात्र त्या मागे नेमका इतिहास आणि त्याची उत्पत्ती कशावरून झाली हे जाणणे अधिक उत्सुकतेचे असते. अशीच एक म्हण म्हणजे 'गेला बाराच्या भावात' ही होय.