नागपूरमध्ये भाजपच्या प्र.क्र.30 च्या उमेदवार पायल कुंदेलवार या त्यांच्या शर्वरी नावाच्या एक महिन्याच्या बाळाची काळजी घेत प्रचाराला फिरत आहे. त्यामुळे त्यांच्या पक्षाविषयीची निष्ठा दिसत आहे. एका बाजूला मातृत्व आणि दुसऱ्या बाजूला पक्षाची जबाबदारी यातून दिसत आहे.

मूड महापालिकांचा या शो मधून पुण्याच्या सर्व पक्षांच्या नेत्यांनी आणि कार्यकर्ते एकमेकांवर टीका करताना दिसत आहेत. त्यात एकाने म्हटले भाजपाचं काम असं आहे खोटं बोल पण रेटून बोल.

बीड : एकाच औषधाचा वारंवार वापर ही सध्या शेतीसमोरील गंभीर आणि दुर्लक्षित समस्या बनत चालली आहे. अनेक शेतकरी किडी आणि रोगांपासून पिकांचे संरक्षण करण्यासाठी सतत तेच कीटकनाशक किंवा बुरशीनाशक वापरतात. सुरुवातीला याचा परिणाम दिसून येतो. मात्र कालांतराने त्याचे दुष्परिणाम समोर येऊ लागतात. यामुळे केवळ पिकांचेच नव्हे, तर संपूर्ण शेती परिसंस्थेचे मोठे नुकसान होते आणि दीर्घकालीन उत्पादनक्षमतेवर विपरीत परिणाम होतो, अशी माहिती बीड जिल्ह्यातील कृषी अभ्यासक महादेव बिक्कड यांनी दिली.

मुख्यमंत्री देवेंद्र फडणवीस यांची नाशिकमध्ये प्रचार सभा झाली. तेव्हा त्यांनी ठाकरे बंधूंवर निशाणा साधला आहे. ते म्हणाले, "काल परवा 2 भाऊ आले पण श्रीरामालाच विसरले,जो राम का नही वो किसी काम का नही."

नाशिक: जिद्द आणि कष्टाची तयारी असेल तर कोणतेही काम छोटे नसते, हे नाशिकच्या एका तरुण आर्किटेक्टने सिद्ध करून दाखवले आहे. ऑस्ट्रेलियातून उच्च शिक्षण पूर्ण करून मायदेशी परतलेल्या पुष्कर चोरडिया या तरुणाने नोकरीवर अवलंबून न राहता स्वतःचा रोड साईड व्यवसाय सुरू केला आहे. आज तो दिवसा नोकरी आणि सायंकाळी आपला व्यवसाय सांभाळून महिन्याकाठी 50 हजार रुपयांहून अधिक उलाढाल करत आहे.

ठाकरे बंधूंच्या शिवशक्ती युतीने वचननामा जाहीर केल्यानंतर आज शिवसेना शिंदे गट-भाजपने आपला जाहीरनामा जाहीर केला. मतदानाला आता काही दिवसच शिल्लक असताना महायुतीने आपला जाहीरनामा प्रसिद्ध केला.महायुतीच्या जाहीरनाम्यात पायाभूत सुविधांपासून, आरोग्य, शिक्षण अशा वेगवेगळ्या मुद्यांवर आश्वासन देण्यात आले आहेत.