महापालिका निवडणूकीत दोन्ही राष्ट्रवादी एकत्र लढणार का ? हा सर्वांना प्रश्न पडला आहे.त्यातच आता खासदार अमोल कोल्हे यांनी अजित पवारांसोबत भेट घेतली.ते म्हणाले,"प्राथमिक चर्चा झाली.आम्ही वरिष्ठांशी चर्चा करुनच निर्णय घेणार आहोत."

सध्या उत्तर महाराष्ट्रात गॅस सिलेंडरची टंचाई भासताना दिसत आहे. कारण गॅस पुरवठा करणारे टँकर धारक आणि एचपी कंपनीचा करार संपला आहे. त्यामुळे नवीन करार कंपनीने केला नाही. या सगळ्याचा परिणाम मुंबईहून सिन्नर प्लांटला होणाऱ्या गॅस पुरवठ्यावर झाला आहे. त्यामुळे गॅस सिलेंडरची टंचाई निर्माण झाली आहे असे वितरक सांगत आहेत.

कोल्हापूरच्या अंबाबाईच्या मंदिरात दर्शनासाठी भाविकांची मोठ्या संख्येने गर्दी झाली. त्यांचं मुख्य कारण म्हणजे मिळालेल्या सलग सुट्ट्या. मंदिराच्या दर्शन मंडपाबाहेर भाविकांच्या दोन मोठ्या रांगा पाहायला मिळतात. लाखो भाविक दर्शनासाठी आले होते. दोन ते तीन तास दर्शनासाठी भाविक रांगेत थांबले होते. लोकं पर्यटनासाठी मोठ्या प्रमाणात आले होते.

महानगरपालिका निवडणुकांचं बिगुल बाजताच अनेक पक्षांमध्ये अनेक कारणांनी मतभेद पाहायला मिळत आहेत. आता छ.संभाजीनगरमध्ये महायुती सरकारमध्ये वादाची ठिणगी पाहायला मिळत आहे. तेथील राष्ट्रवादी शहराध्यक्ष अभिजीत देशमुख हे नाराजी व्यक्त करत म्हणाले, "भाजप-सेनेला संभाजीनगरात घराणेशाही रुजवायची आहे. युतीसाठी एनसीपीला आमंत्रण नाही. एनसीपी आता शंभर जागांवर स्वबळावर लढणार"

राज्यात सर्व पक्षांमध्ये नेत्यांचं इन आऊट सुरुच आहे. आजच नेते प्रशांत जगताप यांनी काँग्रेसमध्ये प्रवेश केला. तेव्हा त्यांनी मोठं वक्तव्य केलं आहे. ते म्हणाले," राजकारण बंद करेन पण काँग्रेसमधून आता जाणार नाही. ज्या काँग्रेस पक्षाला शिव, फुले,शाहू, आंबेडकर विचारांचा वारसा आहे, पक्षाला नेहरु आणि गांधींची विचारधारा आहे, त्या पक्षात मी सहभागी होण्याचा निर्णय घेतला."

महानगर पालिकेच्या निवडणुकीचं बिगुल वाजंलं असतानाच आता सर्व पक्ष निवडणुकीच्या जोरदार तयारीला लागलेले पाहायला मिळत आहेत. एकमेकांवर टीका करताना दिसत आहेत. त्यातच आता उपमुख्यमंत्री एकनाथ शिंदे यांनी ठाकरे बंधूवर टीका केली आहे. ते म्हणाले, "आमची युती सत्तेसाठी, खूर्चीसाठी झाली नाही, स्वार्थासाठी झाली नाही. कहीजण अस्तित्व टिकवण्यासाठी युती करतायत."