TRENDING:
आतापर्यंत असा अंदाज लावला जात होता की चीनच्या या चालीमागे स्वतः शी जिनपिंग आहेत. परंतु सत्य काही वेगळेच आहे. 'साउथ चायना मॉर्निंग पोस्ट'च्या (South China Morning Post) एका अहवालानुसार चीनने हा महत्त्वपूर्ण निर्णय एका रहस्यमय महिलेमुळे घेतला आहे. जी चीनला हवाई क्षेत्रातील बादशाह बनवण्याची क्षमता ठेवते. कोण आहे ही सीक्रेट लेडी?
advertisement
चीनने पुन्हा एकदा जगाची झोप उडवली, अमेरिकेला मोठा धक्का; सर्वांची नजर भारतावर!
कोण आहे चीनची 'सीक्रेट लेडी'?
ज्या महिलेबद्दल सध्या जगभरात चर्चा आहे तिचे नाव आहे झाओ चुनलिंग (Zhao Chunling). झाओ चुनलिंग सध्या अमेरिकेच्या बोईंगला तगडी टक्कर देणाऱ्या एका महत्त्वाकांक्षी प्रकल्पावर काम करत आहेत. साउथ चायना मॉर्निंग पोस्टच्या अहवालानुसार झाओ चुनलिंग यांनी 1991 मध्ये चीनच्या शानक्सी प्रांतातील एका सैन्य-समर्थित विद्यापीठातून पदवी प्राप्त केली आहे आणि आज त्या चीनच्या सर्वात महत्त्वाकांक्षी विमान प्रकल्पांपैकी एक असलेल्या C929 च्या चीफ डिझायनर (Chief Designer) आहेत. असा दावा केला जात आहे की हे विमान बोईंग आणि एअरबस (Airbus) सारख्या दिग्गजांना आव्हान देण्यासाठी तयार केले जात आहे.
अमेरिकेचा सुरुवातीपासूनच विरोध
अहवालानुसार झाओ यांचे शिक्षण चीनच्या नॉर्थवेस्टर्न पॉलीटेक्निकल युनिव्हर्सिटीमध्ये (Northwestern Polytechnical University) झाले आहे. हे तेच विद्यापीठ आहे ज्याला अमेरिकेने लष्करी संबंधांमुळे अनेक वेळा आपल्या निर्बंध यादीत (Sanctions List) टाकले आहे. शिक्षणानंतर झाओ यांनी लुओयांग येथील एका संरक्षण संशोधन संस्थेत (Defense Research Institute) तब्बल 18 वर्षे काम केले. ही संस्था ड्रोन आणि विमानांसाठी सेन्सर्स (Sensors), डिस्प्ले (Display) आणि कमांड टेक्नोलॉजी (Command Technology) विकसित करते.
2009 पासून विमान निर्मितीच्या मिशनवर
साल 2009 मध्ये चीनने स्वतःची विमान उत्पादन कंपनी 'कोमॅक' (Comac) स्थापन केली आणि याच वेळी झाओ यांना एक नवीन आणि महत्त्वाकांक्षी मिशन मिळाले – C909 आणि C919 सारख्या प्रवासी विमानांचे डिझाइन तयार करणे. त्यांनी केवळ या विमानांचे डिझाइनच तयार केले नाही. तर कॉकपिटचे इंटेलिजेंट सिस्टीम (Intelligent System), डिजिटल डिस्प्ले (Digital Display) आणि पायलट अलर्ट सिस्टीम (Pilot Alert System) यांसारखे नविन शोध लावले. जे बोईंग 737 आणि एअरबस A320 सारख्या मॉडेलला टक्कर देण्यास सक्षम होते.
कोविडही रोखू शकला नाही
जेंव्हा संपूर्ण जग कोरोना महामारीमुळे ठप्प झाले होते. तेव्हा झाओ आणि त्यांच्या टीमने C919 च्या आंतरराष्ट्रीय बेंचमार्किंगवर (International Benchmarking) रात्रंदिवस काम केले. याच प्रयत्नांचे फळ म्हणून मे 2023 मध्ये C919 ने आपली पहिली व्यावसायिक (Commercial) उड्डाण भरले.
आज झाओ चुनलिंग C929 नावाच्या मोठ्या आकाराच्या (Wide-body) विमानाची लीड डिझायनर आहेत. हे विमान एकाच वेळी 440 प्रवाशांना 12,000 किलोमीटरपर्यंत घेऊन जाऊ शकते. या विमानाचा पहिला प्रोटोटाइप 2027 पर्यंत बाजारात येण्याची शक्यता आहे. तज्ञांच्या मते जर चीनने हे विमान यशस्वीरित्या तयार केले. तर ते बोईंग 787 सारख्या विमानांना थेट आव्हान देऊ शकेल. चीनच्या या 'सीक्रेट लेडी'ने अमेरिकेला आणि बोईंगला मोठा धक्का दिला आहे हे निश्चित.