FASTag विसरा! 'या' देशाची टोल सिस्टम जगात सर्वात Fast, काही देशांचे नियम तर तुम्हाला चक्रावून सोडतील

या निर्णयामुळे प्रवाशांचा प्रवास अधिक सुलभ होईल. मात्र हे पास केवळ ‘गैर-व्यावसायिक’ वाहनांसाठीच लागू असतील. त्यामुळे व्यावसायिक वाहानांना मात्र दरा प्रमाणे पैसे द्यावी लागतील जे फास्टॅगमधून कापले जातील.

जगातील सर्वात जलद टोल सिस्टीम कुठे आहे?

भारताचा हा निर्णय स्वागतार्ह असला तरी जगात आधीच काही देशांनी प्रगत आणि अत्याधुनिक टोल प्रणाली लागू केल्या आहेत. त्यात नॉर्वेचा टोल सिस्टीम जगातला सर्वात वेगवान आणि टेक्नोलॉजी फ्रेंडली मानला जातो.

advertisement

नॉर्वेमध्ये टोल भरताना वाहन थांबवण्याची गरजच नाही. कारण इथे टोल नाके नाहीत! टोल वसुलीची जबाबदारी कॅमेऱ्यांची आहे. ऑटोमॅटिक नंबर प्लेट रेकग्निशन टेक्नॉलॉजीचा वापर केला जातो. गाडी कितीही वेगात असली तरी कॅमेरा नंबर प्लेट ओळखतो आणि संबंधित अकाउंटमधून थेट टोल रक्कम वजा होते.

नॉर्वेने 1991 मध्ये या स्मार्ट टोल सिस्टीमची सुरुवात केली होती. त्यानंतर सिंगापूर, दक्षिण कोरिया, जपान अशा अनेक देशांनी यापासून प्रेरणा घेतली. काही देशांनी वार्षिक टोल सिस्टीम सुरू केली. उदाहरणार्थ, स्वित्झर्लंडमध्ये वर्षातून एकदाच टोल फी भरली जाते आणि वर्षभर कुठेही थांबायची गरज लागत नाही.

भारत सरकारच्या या नव्या योजनेमुळे आता टोलसाठी अनेकदा थांबावे लागणार नाही. केंद्रीय मंत्री नितीन गडकरी यांनी स्पष्ट केलं की, 3 हजार रुपयांच्या वार्षिक फास्टॅग पासमुळे लोकांना सुमारे 10 हजार रुपयांपर्यंतचा टोल वाचेल. त्यामुळे प्रवास खर्चात मोठी बचत होणार असून वाहनचालकांसाठी हा निर्णय क्रांतिकारी ठरेल.