धर्म शास्त्रातच नाही तर वेदांमध्ये देखील हळदीला विशेष महत्त्व आहे. हिंदू धर्मात कुठल्याही प्रकारची पूजा करताना हळदीचा वापर केला जातो. त्याचबरोबर जन्माला आल्यापासून ते मृत्यूपर्यंत आपण हळदीचा वापर आपल्या जीवनात करत असतो. फक्त पूजेसाठीच नव्हे तर भारतात हळदीचा वापर खाद्य पदार्थांत देखील केला जातो, अशी माहिती शास्त्री यांनी दिली आहे.
advertisement
Gold Rate: सोनं एक लाखांच्या पार, खरेदीचा ट्रेंडच बदलला, सराफा बाजारातून मोठं अपडेट
सोशल मीडियावर जे काही व्हीडिओ सध्या प्रसारित होत आहेत, तो एक आनंदाचा भाग आहे. ही कुठलीही तंत्र क्रिया नाही. भलेही अघोरी पूजेमध्ये हळदीचा वापर होत असला तरी देखील आपण आपल्या आनंदासाठी ते करतो. कुठलेही मंत्र उच्चारून करत नाही, त्यामुळे कोणतीही भीती बाळगू नये, असे शास्त्री सांगतात.
अघोरी पूजेमध्ये देखील हळदीचा वापर हा मांस खराब होऊ नये, या करिता केला जातो. वैज्ञानिक तथ्यांपासून ते धार्मिक गोष्टींमध्ये हळदीचा वापर केला जात असतात. सध्या व्हीडिओ सोशल मीडियावर प्रसारित होत आहे. याने कुठल्याही प्रकारची बाधा होणार नसल्याचे शास्त्र अभ्यासक डॉ. अनिकेत शास्त्री यांनी सांगितले आहे.