बलविंदर साहनी असं या व्यक्तीचं नाव. भारतीय वंशाचा बिझनेसमन दुबईत राहतो. तो आरएसजी ग्रुपचा मालक आहे. त्याच्याकडे अनेक गाड्या आहेत. जवळपास 100 कार आहेत. यात अनेक रोल्स रॉसेसचा समावेश आहे. महागडी गाडी असणं हे श्रीमंतीचं लक्षण आहे पण महागडी नंबर प्लेट असणं ही वेगळी गोष्ट आहे. या दोन्हीत बलविंदर साहनी आघाडीवर असल्याचं दिसतं.
advertisement
भारतातील मॅग्नेटिक हिल, जिथे गाडी स्टार्ट न करताच डोंगरावर चढू लागते! हे कसं घडतं?
त्याच्याकडे आधीच एक महागडी नंबर प्लेट आहे. या प्लेटचा क्रमांक 05 आहे. सिंग यांनी या प्लेटसाठी 2.5 दिरहम खर्च केले. भारतीय चलनात त्याची किंमत 45.3 कोटी रुपये असेल. आता त्याच्याकडे 3.3 दशलक्ष दिरहम किमतीची नंबर प्लेट आहे. भारतीय चलनात पाहिल्यास ते सुमारे 60 कोटी रुपये आहे. या नंबर प्लेटची संख्या D5 आहे.
साहनीने बोली लावून D5 नंबर प्लेट जिंकली. हा लिलाव दुबईच्या रोड अँड ट्रान्सपोर्टने आयोजित केला होता. 80 प्लेटसाठी 300 जणांनी बोली लावली होती. या बोलीमध्ये सिंगने 60 कोटी रुपयांची नंबर प्लेट जिंकली. लिलावाच्या इतिहासातील ही सर्वात महागडी बोली आहे आणि ती जगातील सर्वात महागडी नंबर प्लेट देखील बनली आहे.
बलविंदर पाचला त्याचा लकी नंबर मानतो. पण युनिक नंबर प्लेट्सची साहनीची आवड अजून संपलेली नाही. 60 कोटी रुपयांची प्लेट खरेदी केल्यानंतर त्याला आपले प्लेट कनेक्शन आणखी वाढवायचं आहे. त्याला अजून महागड्या प्लेट्स घ्यायच्या आहेत.