Devshayani Ekadashi 2025: 6 शुभ योगात आजची आषाढी एकादशी; धार्मिक महत्त्व, पूजा विधी-मुहूर्त-मंत्र

मुंबई : आज देवशयनी आषाढी एकादशीचं व्रत आहे, आजपासून २०२५ चा चातुर्मास देखील सुरू होईल. आषाढी एकादशी, हरिषयनी एकादशी किंवा पद्म एकादशी असेही म्हणतात. दरवर्षी आषाढ महिन्याच्या शुक्ल पक्षाच्या एकादशी तिथीला ही एकादशी व्रत पाळलं जातं. आषाढी एकादशी हा पंढरपूर वारीचा मुख्य दिवस असतो. महाराष्ट्राच्या कानाकोपऱ्यातून लाखो वारकरी अनेक दिवसांपासून पायी चालत पंढरपूरमध्ये दाखल झालेले असतात. संत ज्ञानेश्वर महाराज, संत तुकाराम महाराज, संत एकनाथ महाराज, संत निवृत्तीनाथ महाराज, संत मुक्ताबाई, संत गजानन महाराज अशा अनेक संतांच्या पालख्या आणि दिंड्या या दिवशी पंढरपूरमध्ये पोहोचतात. हा सोहळा भक्ती, उत्साह आणि एकतेचे प्रतीक आहे.

तसेच हा दिवस अत्यंत पवित्र आणि महत्त्वाचा मानला जातो, कारण या दिवशी भगवान विष्णू योग निद्रेत जातात. चार महिने क्षीरसागरात निद्रा घेतात, ज्यामुळे शुभ कार्ये करता येत नाहीत. भक्तांसाठी हा दिवस केवळ उपवास किंवा पूजा नाही तर आध्यात्मिक संबंधाची संधी आहे. देवशयनी एकादशी, पूजाविधी, पूजा मुहूर्त, मंत्र यांचे महत्त्व जाणून घेऊया.

एकादशी तिथी समाप्त - 6 जुलै, रात्री 9:14 पर्यंत

उदयतिथीनुसार रविवारी, ६ जुलै रोजी देवशयनी एकादशीचे व्रत.

देवशयनी एकादशी उपवास सोडण्याची वेळ - ७ जुलै, सकाळी ५:२९ ते ८:१६

इस मंत्र का तुलसी की माला के साथ सुबह शाम 108 बार जाप करें.

युगे अठ्ठाविस विटेवरी उभा। वामांगी रखुमाई दिसे दिव्य शोभा। पुंडलिकाचे भेटी परब्रह्म आले गा। चरणी ठेविले मस्तक विटेवरी उभा॥१॥

तुळसीमाळा गळा कर ठेऊनि कटी। कासे पितांबर कस्तुरी लल्लाटी। देव सुरवर नित्य येती भेटी। गरुड हनुमंत पुढे उभे राहती॥२॥

धन्य वेणुनाद अनुक्षेत्र पाळा। सुमने सुंदर शोभती गळा। चरणी तुळसी ठेविती गोपाळा। विठ्ठल रुक्मिणी जय विठ्ठला॥३॥

आरती ओवाळू चक्रपाणी। ओवाळू आरती चक्रपाणी। पांडुरंगा देवा रे देवा रे पांडुरंगा। युगे अठ्ठाविस विटेवरी उभा। पुंडलिकाचे भेटी परब्रह्म आलेगा। चरणी ठेविले मस्तक विटेवरी उभा॥४॥