लव्ह मॅरेज की अरेंज मॅरेज? हातावरची एक रेष ठरवते भाग्य, आत्ताच पाहा कसं होणार तुमचं लग्न!

हस्तसामुद्रिक शास्त्रानुसार, लग्नाची रेषा तुमच्या हाताच्या सर्वात लहान बोटाच्या खाली आणि 'हृदय रेषेच्या' वरच्या बाजूला असते. या रेषेची लांबी, खोली आणि तिची दिशा तुमच्या लग्नाचे स्वरूप ठरवते.

जर तुमच्या हातावरील हृदय रेषा थेट जाऊन गुरु पर्वतावर संपत असेल, तर अशा व्यक्तींचा प्रेमविवाह होण्याची दाट शक्यता असते. या व्यक्ती प्रेमाच्या बाबतीत अत्यंत प्रामाणिक असतात आणि आपल्या आवडीच्या व्यक्तीशी लग्न करण्यासाठी कोणत्याही थराला जाऊ शकतात.

जर तुमची लग्नाची रेषा स्पष्ट, खोल आणि लांब असेल, तर ते सुखी वैवाहिक आयुष्याचे लक्षण आहे. जर ही रेषा थोडी वरच्या बाजूला झुकलेली असेल, तर व्यक्ती स्वतःच्या पसंतीने लग्न करण्यास प्राधान्य देते. याउलट, लग्नाची रेषा छोटी आणि सरळ असेल, तर अरेंज मॅरेज होण्याची शक्यता जास्त असते.

अंगठ्याच्या खाली असलेल्या भागाला 'शुक्र पर्वत' म्हणतात. शुक्र हा प्रेम आणि विलासाचा कारक आहे. जर शुक्र पर्वत उंच आणि स्पष्ट असेल आणि त्यावर कोणतीही अशुभ चिन्हे नसतील, तर अशा व्यक्तींचे प्रेमसंबंध यशस्वी होतात आणि त्याचे रूपांतर लग्नात होते.

जर लग्नाच्या रेषेच्या सुरुवातीला 'V' सारखा आकार तयार होत असेल, तर याचा अर्थ असा की सुरुवातीला घरच्यांचा विरोध असेल, पण कालांतराने प्रेमविवाहाला संमती मिळेल. अशा व्यक्तींचे लग्न अनेकदा संघर्षातून यशस्वी होते.

अंगठ्याच्या पेरावर जर डोळ्यासारखे चिन्ह असेल, तर अशा व्यक्तींना त्यांच्या कुटुंबाच्या पसंतीने खूप चांगला जोडीदार मिळतो. हे अरेंज मॅरेजसाठी एक अत्यंत शुभ लक्षण मानले जाते.

जर एखादी रेषा चंद्र पर्वतावरून निघून लग्नाच्या रेषेला मिळत असेल, तर अशा व्यक्तींचे लग्न अत्यंत श्रीमंत घराण्यात किंवा परदेशातील व्यक्तीशी होऊ शकते. हे लक्षण सहसा प्रेमविवाहाच्या बाबतीत जास्त दिसून येते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)