Numerology 2026: सूर्याच्या प्रभावाने जबरदस्त तेज! नवीन 2026 वर्षात तीन मूलांकांची होणार चांदी, तिहेरी लाभ
- Published by:Ramesh Patil
Last Updated:
Numerology 2026: पंचांगानुसार प्रत्येक नवीन वर्षावर एखाद्या ग्रहाचा अधिक प्रभाव असतो, त्यानुसार नवीन वर्ष 2026 वर सूर्याचा प्रभाव असणार आहे. सूर्याच्या प्रभावामुळे या वर्षात अनेक चांगल्या गोष्टी घडू शकतात. अंकशास्त्रानुसार नवीन वर्ष 2026 चा मूलांक 1 असून त्याचा स्वामी ग्रह सूर्य आहे. त्यामुळे नवीन वर्षावर सूर्य ग्रहाचा प्रभाव पाहायला मिळेल.
सूर्याच्या प्रभावामुळे काही मूलांकांना नवीन वर्षात जबरदस्त परिणाम मिळू शकतात. या मूलांक असलेल्या लोकांना नशिबाची साथ मिळेल आणि करिअर क्षेत्रात सुधारणा होईल. यासोबतच कौटुंबिक जीवनातही चांगले बदल पाहायला मिळू शकतात. याबद्दल सविस्तर जाणून घेऊया.
मूलांक 1 - असलेल्या लोकांचा स्वामी ग्रह सूर्यच आहे, अशा परिस्थितीत तुमच्यासाठी हे वर्ष उत्कृष्ट ठरू शकते. तुमच्या आत्मविश्वासात वाढ होईल आणि तुम्ही तुमचे विचार लोकांसमोर उघडपणे मांडू शकाल. कौटुंबिक जीवनात चांगले बदल पाहायला मिळतील. या मूलांकाच्या बेरोजगार लोकांना नवीन वर्षात रोजगार मिळू शकतो. तुमच्या ऊर्जेचा योग्य वापर तुम्ही केला पाहिजे. शिक्षण क्षेत्रात या मूलांकाचे विद्यार्थी मोठी उपलब्धी मिळवू शकतात.
advertisement
मूलांक 3 - या मूलांक असलेल्या लोकांसाठी देखील वर्ष 2026 नवीन भेट घेऊन येईल. तुमच्या मूलांकाचा स्वामी गुरु आणि सूर्य यांच्यात मैत्री आहे, त्यामुळे तुम्हाला सूर्याच्या वर्षात चांगले अनुभव येऊ शकतात. भूतकाळात केलेल्या कामाचे चांगले फळ तुम्हाला मिळेल.
advertisement
3 मूलांकाचे काही लोक परदेशात शिक्षण किंवा नोकरीसाठी जाऊ शकतात. घरातील ज्येष्ठांकडून तुम्हाला चांगला सल्ला मिळेल. आध्यात्मिक क्षेत्रात तुम्ही पुढे जाऊ शकता. आर्थिक बाजू सुधारेल.
advertisement
मूलांक 9 - या मूलांकाचा स्वामी मंगळ ग्रह आहे आणि सूर्यासोबत मंगळाचे चांगले संबंध आहेत. तुम्ही साहस आणि पराक्रमाने भरलेले असाल. नवीन लोकांशी तुमची भेट होईल आणि या लोकांपासून तुम्हाला धनलाभ देखील होऊ शकतो. भाऊ-बहिणींसोबत तुमचे संबंध सुधारतील. आर्थिकदृष्ट्या तुम्ही संपन्न व्हाल आणि गुंतवणूक केलेले पैसे मोठी रक्कम बनून परत मिळू शकतात. करिअरच्या क्षेत्रातही तुम्हाला चांगले परिणाम मिळतील. काही लोकांची पदोन्नती होऊ शकते.
advertisement
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)
Location :
Mumbai,Maharashtra
First Published :
Dec 26, 2025 9:44 AM IST
मराठी बातम्या/राशीभविष्य/
Numerology 2026: सूर्याच्या प्रभावाने जबरदस्त तेज! नवीन 2026 वर्षात तीन मूलांकांची होणार चांदी, तिहेरी लाभ
