Pitrupaksha 2025: पीठ मळल्यानंतर कणकेच्या गोळ्यावर महिला का रुतवतात बोटं; पूर्वजांशी असा संबंध

पीठ मळल्यानंतर कणकेच्या गोळ्यावर बोटे उमटवण्याचे कारण धार्मिक आणि पारंपरिक समजुतींशी जोडलेले आहे. यामागे एक महत्त्वाचा अर्थ दडलेला आहे, जो आपल्या पूर्वजांशी आणि अन्नदानाशी संबंधित आहे.

धार्मिक आणि पारंपरिक कारण - असं करण्यामागं पिंडदानाची संकल्पना आहे. हिंदू धर्मात पिंडदान हा एक महत्त्वाचा विधी आहे. पितृपक्षात पूर्वजांच्या आत्म्याला शांती मिळावी म्हणून तांदळाच्या पिठाचा गोल पिंड तयार करून तो अर्पण केला जातो. हा पिंड गोल असतो आणि त्यावर बोटांचे ठसे नसतात.

पिंड आणि कणकेचा संबंध काय: जेव्हा आपण कणिक मळून त्याचा गोल गोळा बनवतो, तेव्हा तो दिसण्यात पिंडासारखा वाटू शकतो. धार्मिक मान्यतेनुसार, अशा पिंडा सारख्या गोळ्यापासून चपात्या बनवून खाणे हे शुभ मानले जात नाही. हा दोष टाळण्यासाठी आणि ती कणिक 'पिंड' नाही, हे दर्शवण्यासाठी त्या कणकेच्या गोळ्यावर बोटांनी दाबून ठसे उमटवले जातात. यामुळे, त्या पिठापासून तयार केलेली पोळी किंवा चपाती खाण्यासाठी योग्य मानली जाते आणि असे केल्याने कोणताही दोष लागत नाही, अशी पारंपरिक धारणा आहे.

(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)