Happy Raksha Bandhan 2025: रक्षाबंधनला आयुष्मान आणि सौभाग्य योग! या वेळात राखी बांधल्यास मिळेल दुहेरी लाभ

मुंबई : हिंदू कॅलेंडरनुसार श्रावण महिन्यातील पौर्णिमा तिथी 8 ऑगस्ट रोजी दुपारी 1:42 वाजल्यापासून सुरू झाली आहे. ही तिथी 9 ऑगस्ट 2025 रोजी दुपारी 1:24 पर्यंत असेल. उदय तिथीच्या आधारे 9 ऑगस्ट रोजी दिवसभर रक्षाबंधन साजरं होणार आहे. दृक पंचांगानुसार, या वर्षी 9 ऑगस्ट रोजी दुपारी 3:30 वाजेपर्यंत श्रावण नक्षत्र आहे. त्यानंतर धनिष्टा नक्षत्र सुरू होईल. आयुष्मान योग पहाटे 5:56 वाजेपर्यंत राहील. त्यानंतर, दिवसभर सौभाग्य योगाचा विशेष संयोग आहे. त्यामुळे या मुहूर्तावर राखी बांधणे खूप शुभ मानले जाते. रक्षाबंधनाच्या दिवशी कोणत्या शुभ मुहूर्तावर राखी बांधल्याने दुप्पट फळ मिळेल, त्याविषयी ज्योतिष तज्ज्ञांनी दिलेली माहिती जाणून घेऊ.