Shardiya Navratri 2025: नवरात्रात तुमच्या राशीनुसार देवीच्या या रुपाची पूजा करणं लकी! भाग्याची साथ मिळते
- Published by:Ramesh Patil
Last Updated:
Shardiya Navratri 2025: शारदीय नवरात्रोत्सव अवघ्या काही दिवसांवर आला आहे. या नऊ दिवसांमध्ये देवी दुर्गेची नऊ वेगवेगळ्या रूपांमध्ये पूजा केली जाते. प्रत्येक दिवशी एका विशिष्ट देवीची आराधना केली जाते. या नऊ रूपांमध्ये शैलपुत्री, ब्रह्मचारिणी, चंद्रघंटा, कुष्मांडा, स्कंदमाता, कात्यायनी, कालरात्री, महागौरी आणि सिद्धीदात्री यांचा समावेश आहे. प्रत्येक देवीचे स्वतःचे विशेष महत्त्व आहे.
मुंबई : नवरात्रीच्या या नऊ दिवसांत देवीच्या नऊ रुपांची पूजा आराधना केली जाते. यंदाच्या नवरात्रीत सर्व 12 राशींपैकी कोणत्या राशीने कोणत्या देवीची पूजा करावी, म्हणजे सर्वच रुपांची पूजा शुभ मानली जाते. पण राशीनुसार काही रुपांची पूजा अधिक फळ देते, असे मानले जाते. याविषयी सविस्तर जाणून घेऊया.
मेष रास – मेष राशीच्या लोकांनी शैलपुत्री रुपाची पूजा करावी. देवीला लाल फुलं आणि लाल वस्त्र अर्पण करावं. मनोभावे पूजा करून गूळ-हरभरा डाळ गोर-गरीबांना वाटावे.
वृषभ रास – वृषभ राशीच्या लोकांना ब्रह्मचारिणी रुपातील देवीची पूजा करणं अधिक शुभ फळदायी ठरेल. पूजा केल्यानंतर देवीला दही-साखर अर्पण करावी, दुग्धजन्य पदार्थांचे दान करावे.
advertisement
मिथुन रास – मिथुन राशीच्या लोकांनी दुर्गेच्या चंद्रघंटा रुपाची पूजा करावी. या रुपाची पूजा मिथुन राशीसाठी लकी मानली जाते. पूजेनंतर देवीला पिवळ्या फुलांचा हार अर्पण करावा. मंदिरात गेल्यावर घंटानाद अवश्य करावा.
कर्क रास – कर्क राशीच्या लोकांनी दुर्गेच्या कुष्मांडा रुपाची पूजा करावी. पूजेत देवीला मध, नारळ, भोपळा अर्पण करा. पितरांना अन्नदान करावे.
advertisement
सिंह रास – सिंह राशीच्या लोकांनी यंदाच्या नवरात्रीत देवीच्या स्कंदमाता रुपाची पूजा करावी. याचा फायदा तुम्हाला लगेच दिसेल. पूजेनंतर देवीला लाल वस्त्र आणि सफरचंद अर्पण करावे. पूजनानंतर लहान मुलांना मिठाई वाटा.
कन्या रास – कन्या राशीच्या लोकांनी दुर्गा देवीच्या कात्यायनी रुपाची पूजा करावी. देवीला सुगंधी फुलं, पिवळे वस्त्र अर्पण करा.
advertisement
सुहासिनींना हळद-कुंकू द्यावे.
तूळ रास – तूळ राशीच्या लोकांनी दुर्गा देवीच्या कालरात्री रुपाची पूजा करावी. देवीला काळ्या वस्त्रात घालून तीळ व तेल अर्पण करा.
शनी मंदिरात दिवा लावणं शुभ ठरेल.
वृश्चिक रास – वृश्चिक राशीच्या लोकांनी देवी दुर्गेच्या महागौरी रुपाची पूजा करावी. देवीला पांढरी फुले, दुधी भोपळा अर्पण करावा. पूजा झाल्यानंतर शक्य असल्यास गरिबांना तांदूळ-दूध द्यावे.
advertisement
धनु रास – धनु राशीच्या लोकांनी नवरात्रामध्ये दुर्गा देवीच्या सिद्धिदात्री रुपाची पूजा करावी. पूजा केल्यानंतर देवीला पिवळा प्रसाद (बेसन लाडू) अर्पण करावा. ब्राह्मण किंवा साधूंना भोजन द्यावे.
मकर रास – मकर राशीच्या लोकांनी देवी दुर्गेच्या शैलपुत्री रुपाची पूजा करावी. याचा मकरेच्या लोकांना लगेच लाभ होईल.
advertisement
देवीला दुर्वा, बेल अर्पण करा. शिवलिंगावर जल व दुग्धाभिषेक करावा.
कुंभ रास – कुंभ राशीच्या लोकांनी देवी दुर्गेच्या कुष्मांडा रुपाची पूजा करणं लाभदायी ठरेल. पूजा झाल्यानंतर देवीला मध, गूळ व फळं अर्पण करा. पक्ष्यांना धान्य अर्पण करावे.
मीन रास - मीन राशीच्या लोकांनी देवी दुर्गेच्या महागौरी रुपाची पूजा करावी. मीन राशीच्या लोकांनी देवीला पांढरी वस्त्रे आणि शंख अर्पण करावा. विशेषत: अनाथ मुलांना अन्नदान करावे.
advertisement
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)
Location :
Mumbai,Maharashtra
First Published :
September 20, 2025 2:03 PM IST
मराठी बातम्या/राशीभविष्य/
Shardiya Navratri 2025: नवरात्रात तुमच्या राशीनुसार देवीच्या या रुपाची पूजा करणं लकी! भाग्याची साथ मिळते
