तुम्हीही कार चालवता; मग हँडब्रेक कसा वापरायचा माहितीये? जाणून घ्या योग्य पद्धत

गाडीच्या हँडब्रेकचा वापर सावकाश आणि काळजीपूर्वक करणं गरजेचं आहे. तसंच हँडब्रेक पूर्णपणे लावावा, जेणेकरून कार हलणार नाही. तसंच कार सुरू करण्यापूर्वी नेहमी हँडब्रेक काढणं गरजेचं आहे. हँडब्रेकचा योग्य वापर करून, तुम्ही तुमची कार सुरक्षित ठेवू शकता व अपघात टाळू शकता.

चालत्या कारला हँडब्रेक लावणं खूप धोकादायक ठरू शकते. कारण त्यामुळे कार नियंत्रणाबाहेर जाऊन अपघात होऊ शकतो. तसंच कार जास्त वेळ पार्क करायची असेल, तर अशा वेळीही हँडब्रेक लावू नये. अन्यथा यामुळे ब्रेक पॅड खराब होऊ शकतात. तसंच हँडब्रेक पूर्णपणे लावला गेला नाही तर कार पुढे जाण्याची शक्यता असते. त्यामुळे अपघातही होऊ शकतो.

कार पार्क करताना हँडब्रेक लावल्यास तुमची गाडी पुढे किंवा मागे जाणार नाही व सुरक्षित राहील. याशिवाय गाडी उतारावर उभी असल्यास हँडब्रेक लावणं खूप महत्त्वाचं आहे. कारण त्यामुळे तुमची गाडी एका जागेवर थांबेल. तसंच तुम्ही कार पार्क केल्यानंतर, कारचं इंजिन बंद केल्यानंतर हँडब्रेक लावणं आवश्यक आहे. त्यामुळे पुन्हा कार सुरू करणं सोयीस्कर होईल. तसंच तुम्ही गाडीला रेलिंग बांधत असाल तर हँडब्रेक लावणं गरजेचं आहे.