भारतात Tesla Cars वर मिळतंय मोठं डिस्काउंट! पाहा कोणते मॉडल झाले स्वस्त

आता टेस्लाने 2025 च्या काही न विकलेल्या Model Y यूनिट्सवर डिस्काउंट देण्यास सुरुवात केली आहे. ही सूट स्टँडर्ड रेंज व्हेरिएंटवर दिली जात आहे. ज्याची किंमत 60 लाख रुपयांहून कमी सांगितली जात आहे. खरंतर ही ऑफर सध्या कारसाठी नाही. तर फक्त त्या गाड्यांपर्यंत मर्यादित आहे. ज्या इन्व्हेंट्रीमध्ये न विकता राहिल्या होत्या.

टेस्लाने डिसेंबरमध्ये भारतात फक्त 68 युनिट्स विकल्या, जे BYD आणि BMW सारख्या स्पर्धकांपेक्षा खूपच कमी आहेत. संपूर्ण कॅलेंडर वर्ष 2025 मध्ये टेस्लाची एकूण विक्री फक्त 200 युनिट्सपेक्षा जास्त होती, तर कंपनीला खूप चांगल्या कामगिरीची अपेक्षा होती. सुरुवातीला टेस्लाला चांगले बुकिंग मिळाले होते, परंतु जास्त किमतींमुळे अनेक ग्राहकांनी त्यांचे बुकिंग रद्द केले.

टेस्ला मॉडेल Y ला भारतात BMW iX1 LWB आणि BYD Sealion 7 सारख्या इलेक्ट्रिक SUV कडून तीव्र स्पर्धेचा सामना करावा लागत आहे. समस्या अशी आहे की हे स्पर्धक कमी किमतीत उपलब्ध आहेत. शिवाय, टेस्ला अनुभव केंद्रे आणि शोरूमची संख्या सध्या मर्यादित आहे, कंपनी हळूहळू तिचे नेटवर्क वाढवत आहे, ज्यामुळे भविष्यात विक्रीत सुधारणा होण्याची अपेक्षा आहे. टेस्ला मॉडेल Y चालवल्यानंतर, बहुतेक लोक त्याची कामगिरी, तंत्रज्ञान आणि ड्राइव्ह गुणवत्तेने प्रभावित झाले आहेत. तसंच, त्याची किंमत भारतीय बाजारपेठेसाठी खूप जास्त मानली जाते, विशेषतः जेव्हा त्याच सेगमेंटमध्ये अधिक परवडणारे पर्याय उपलब्ध असतात.

आता लॅम्बोर्गिनी इंडियाचे माजी सीईओ शरद अग्रवाल टेस्लाच्या भारतातील कामकाजाचे नेतृत्व करत आहेत, त्यामुळे कंपनी धोरणात्मक बदल करेल अशी अपेक्षा आहे. भारतीय बाजारपेठेत यशस्वी होण्यासाठी, टेस्लाला नवीन प्रोडक्ट्स सादर करणे, लोकल असेंबली किंवा किंमत कमी करणे यासारखे पर्याय शोधावे लागतील.