Trending:

GST कपातीनंतर आता किती स्वस्त मिळेल Tata Curvv? जाणून घ्या पूर्ण हिशोब

Published by:Mohini Vaishnav

Last Updated:September 11, 2025 5:16 PM IST

सरकारने नवीन जीएसटी स्लॅबला मान्यता दिली आहे. जो 22 सप्टेंबरपासून लागू होणार आहे. जीएसटी कपातीनंतर, टाटा ही त्यांच्या वाहनांच्या किमतीत कपात करण्याची घोषणा करणारी पहिली कंपनी होती.

मुंबई : जीएसटी रिफॉर्म्स 2025 नंतर वाहने खरेदी करणे स्वस्त झाले आहे. जर तुम्ही टाटा कर्व्ह खरेदी करण्याचा विचार करत असाल. तर तुम्हाला ही कार पूर्वीच्या तुलनेत किती स्वस्त मिळणार आहे हे जाणून आनंद होईल? सरकारने अलीकडेच जीएसटीमध्ये कपात केली आहे, ज्यामुळे या कारची किंमत देखील कमी झाली आहे.

सरकारने नवीन जीएसटी स्लॅबला मान्यता दिली आहे. जो 22 सप्टेंबरपासून लागू होणार आहे. जीएसटी कपातीनंतर, टाटा ही त्यांच्या वाहनांच्या किमतीत कपात करण्याची घोषणा करणारी पहिली कंपनी होती. कंपनीने ग्राहकांना जीएसटी कपातीचा पूर्ण फायदा देण्याची घोषणा केली होती.

Tata Curvv किती स्वस्त मिळेल?

टाटा कर्व्हची एक्स-शोरूम किंमत 10 लाख रुपयांपासून सुरू होते आणि 19.52 लाख रुपयांपर्यंत जाते. जीएसटी कपातीनंतर, या कारच्या किमतीत 65 हजार रुपयांपर्यंत घट होऊ शकते.

पेट्रोलचं टेन्शनच नाही! 8 हजारांच्या EMI वर मिळतेय Tata Tiago EV

टाटा कर्व्हमध्ये मोठी 12.3-इंच टचस्क्रीन इन्फोटेनमेंट सिस्टम, पूर्णपणे डिजिटल इन्स्ट्रुमेंट क्लस्टर, फ्लश डोअर हँडल आणि जेश्चर-ओपनिंग टेलगेट, तसेच 18-इंच स्टायलिश अलॉय व्हील्स आहेत. कर्व्ह भारतात तीन वेगवेगळ्या इंजिन ऑप्शंससह उपलब्ध आहे. ज्यामध्ये दोन पेट्रोल आणि एक डिझेल इंजिन समाविष्ट आहे.

Tata Curvvचे इंजिन

पहिले 1.2-लिटर रेव्होट्रॉन पेट्रोल इंजिन आहे. जे 118 hp पॉवर आणि 170 Nm टॉर्क जनरेट करते. हे इंजिन दैनंदिन प्रवासासाठी तसेच चांगल्या मायलेजसाठी एक चांगला पर्याय आहे. दुसरे 1.2-लिटर हायपेरियन टर्बो-पेट्रोल इंजिन आहे, जे 123 hp पॉवर आणि 225 Nm टॉर्क देते. ते विशेषतः स्पोर्टी आणि दमदार रायडिंगसाठी डिझाइन केलेले आहे.

Yamaha ची सुपर Bike झाली स्वस्त, 17 हजार रुपयांनी किंमत झाली कमी, संपूर्ण यादी

तिसरी कारमध्ये 1.5-लिटर डिझेल इंजिन आहे. हे डिझेल इंजिन 116 hp पॉवर आणि 260 Nm टॉर्क जनरेट करते. हे इंजिन लांब पल्ल्याच्या प्रवासासाठी आणि चांगल्या इंधन कार्यक्षमतेसाठी खूप उपयुक्त आहे. कंपनीने हे तिन्ही इंजिन ऑप्शंस 6-स्पीड मॅन्युअल ट्रान्समिशन आणि 7-स्पीड ड्युअल क्लच ऑटोमॅटिक (DCA) गिअरबॉक्सच्या पर्यायासह सादर केले आहेत.

Location :

Mumbai,Maharashtra

First Published :

September 11, 2025 5:16 PM IST

GST कपातीनंतर आता किती स्वस्त मिळेल Tata Curvv? जाणून घ्या पूर्ण हिशोब